मुंबई: मागच्या बऱ्याच काळापासून प्रेक्षक अभिनेता मनोज बाजपेयीची वेब सीरिज 'द फॅमिली मॅन'च्या दुसऱ्या सीझनची आतुरतेनं वाट पाहत आहेत. ही वेब सीरिज कधी रिलीज होणार याबाबत प्रेक्षकांमध्ये कमालीची उत्सुकता होती. मात्र आता ही उत्सुकता संपली असून नुकताच या वेब सीरिजच्या दुसऱ्या सीझनचा ट्रेलर रिलीज झाला आहे आणि या सोबतच रिलीज डेटचीही घोषणा करण्यात आली आहे. ट्रेलरमध्ये दुसऱ्या सीझनची कथा खूपच रंजक असल्याचं दिसत असून अभिनेत्री या सीझनचा विशेष चेहरा असणार आहे. ट्रेलरची सुरुवात मनोज बाजपेयीची व्यक्तिरेखा श्रीकांतच्या वैवाहीक आयुष्यातील समस्यांपासून होते. पहिल्या सीझन प्रमाणेच या सीझनमध्येही मनोजचं कॉमिक टाइमिंग परफेक्ट जुळून आलं आहे. सीझन २ मध्ये त्यानं त्याचा जॉब बदलला आहे. तर संमथाच्या व्यक्तिरेखीची झलकही दाखवण्यात आली आहे. जी एक जीवघेणा प्लान तयार करत आहे. ही कथा एका मध्यमवर्गीय व्यक्तीची आहे जो देशाच्या गुप्तहेर एजन्सीमध्ये एका खास विभागात काम करत असतो. एकीकडे त्याला आपल्या जॉबबद्दल गुप्ताता राखयची असते तर दुसरीकडे एक कुटुंबप्रमुख म्हणून अनेक जबाबदाऱ्या पार पाडायच्या असतात. ज्यासाठी त्याला खूप संघर्ष करावा लागतो. ''मधून दाक्षिणात्य अभिनेत्री समंथा अक्कीनेनी हिंदी डेब्यू करणार आहे. मागच्या काही काळात अमेझॉन प्राइमवर रिलीज झालेल्या वेब सीरिजवरून वाद झाले आहेत मात्र 'द फॅमिली मॅन २' कोणताही सीन कट न करता रिलीज केली जाणार आहे. राज आणि डीके यांच्या दिग्दर्शनात तयार झालेल्या या वेब सीरिजमध्ये व्यतिरिक्त प्रियमणि, शारिब हाशमी, शरद केलकर आणि श्रेया धनवंतरी यांच्या महत्त्वपूर्ण भूमिका आहेत. ही वेब सीरिज येत्या ४ जूनला रिलीज होणार आहे. सप्टेंबर २०१९ मध्ये 'द फॅमिली मॅन'चा पहिला सीझन रिलीज झाला होता. जो प्रेक्षकांमध्ये प्रचंड लोकप्रिय ठरला होता. त्यानंतर२०२१च्या सुरुवातीलाच ही वेब सीरिज रिलीज होणार होती मात्र त्याआधी रिलीज झालेल्या 'तांडव' आण 'मिर्झापूर २' या वेब सीरिजमुळे अमेझॉन प्राइम वादाच्या भोवऱ्यात सापडलं होतं. ज्यामुळे 'द फॅमिली मॅन २'ची रिलीज डेट पुढे ढकलण्यात आली होती.
from Marathi Bollywood News, Marathi Cinema News https://ift.tt/3wgcmaF
