मुंबई- अभिनेता रणवीर कपूरने बॉलिवूडमधील टॉपच्या अभिनेत्यांमध्ये स्थान मिळवलं. त्याने अनेक हिट चित्रपटात काम करून आपलं अभिनय कौशल्य सिद्ध केलं आहे. प्रत्येक चित्रपट करताना रणवीर आपल्या भूमिकेचा पूर्ण अभ्यास करतो. '' आणि 'पद्मावत' चित्रपटातील रणवीरच्या अभिनयाला तर तोड नाही. परंतु, 'बाजीराव मस्तानी' चित्रपटाच्या चित्रीकरणावेळी रणवीरला काही भयानक गोष्टींचा सामना करावा लागला होता. चित्रपटाच्या प्रदर्शनानंतर दिलेल्या एका मुलाखतीत रणवीरने त्याचा अनुभव सांगितला होता. 'बाजीराव मस्तानी' चित्रपटात रणवीरने श्रीमंत बाजीराव पेशवा यांची भूमिका साकारली होती. त्याने या भूमिकेसाठी पूर्ण अभ्यास केला होता. परंतु, चित्रपटाच्या चित्रीकरणाच्या एके दिवशी त्याच्या मनात अचानक भीती दाटून आली. तो दिवस रणवीरच्या आयुष्यातील अतिशय कठीण दिवस होता. रणवीरने सांगितल्याप्रमाणे, त्या दिवशी सेटवर गेल्यापासून रणवीरला असं वाटत होतं की, कोणीतरी त्याच्याकडे सतत पाहत आहे. सेटवर काहीतरी वेगळं घडत होतं. त्याच्या आजूबाजूला कोणीतरी आहे अशी जाणीव रणवीरला होत होती. त्यामुळे तो वैतागला होता. तेव्हा एका काळ्या भिंतीवर रणवीरला सफेद मातीपासून बनलेलं एक चित्र दिसलं. जे यापूर्वी तिथे नव्हतं. ते चित्र हुबेहूब बाजीराव पेशव्यांप्रमाणे होतं. रणवीरने ते चित्र सेटवरील इतर व्यक्तींना देखील दाखवलं. तेव्हा त्यांनाही ते पटलं. रणवीरचा अंधश्रद्धेवर मुळीच विश्वास नाही. परंतु, त्याच्यासोबत अशा घटना घडल्यामुळे तो देखील घाबरून गेला होता. २०१५ मध्ये प्रदर्शित झालेल्या 'बाजीराव मस्तानी' चित्रपटाने बॉक्स ऑफिसवर ३०० कोटींची कमाई केली होती. बॉक्स ऑफिसवर हिट ठरलेल्या या चित्रपटात आणि प्रियांका चोप्रा मुख्य भूमिकेत होत्या.
from Marathi Bollywood News, Marathi Cinema News https://ift.tt/3zeKoi9