मुंबई : अगदी कमी काळात 'माझा होशील ना...' ही मालिका सध्या खूपच लोकप्रिय झाली आहे. या मालिकेतील बालिश परंतु आयुष्य समरसून जगणारी सई, प्रेमळ परंतु तत्वांचा पक्का असलेला आदित्य ही पात्रे तर युवा वर्गात सर्वांचे लाडके झाले आहेत. सध्या या मालिकेतील सर्वांचे लाडके सई आणि आदित्य यांच्या आयुष्यातील कठीण काळ सुरू आहे. वसंतस्मृतीमधून बाहेर पडल्यानंतर हे दोघे स्वतःच्या पायावर उभे राहण्यासाठी धडपडत आहेत. यामध्ये ते कुणाचीही मदत घेत नाहीत. त्यातच त्यांच्या आयुष्यात जेडी नावाचा खलनायक पुन्हा आला आहे. त्याच्या येण्याने या दोघांचाही संघर्ष अधिकच खडतर झाला आहे. त्यामुळे या मालिकेतील आदित्य आणि सई यांचे नेमके काय होणार आणि मीडियावर व्हायरल झाला आहे. हा व्हिडीओ पाहून प्रेक्षकांचा एकच गोंधळ उडाला. हा व्हिडीओ पाहून चाहते देखील संभ्रमात पडले असून नेमके काय घडणार आहेत, अशी विचारणा ते करत आहेत. काय आहे व्हिडीओतसोशल मीडियावर 'माझा होशील ना' मालिकेतील आगामी भागातील एक व्हिडीओ विराजस कुलकर्णीने म्हणजे आदित्यनेच त्याच्या सोशल मीडियावरून शेअर केला आहे. या व्हिडीओमध्ये आदित्यला गोळी लागताना दिसत असून तो खाली कोसळतो असे दिसते आहे. हा व्हिडीओ पाहून मालिकेच्या चाहत्यांना धक्का बसला आहे. तसेच हा व्हिडीओ शेअर करताना विराजसने लिहिले आहे, 'प्रत्येक चांगल्या गोष्टीचा शेवट ठरलेला असतोच. तुम्ही सर्वांनी आदीच्या पूर्ण प्रवासात साथ दिली आहेत. त्याला दिलेल्या प्रेमासाठी आभार. आता त्याला तुमच्या प्रार्थनांची गरज आहे.' दरम्यान, विराजसप्रमाणेच सईची भूमिका साकारणाऱ्या गौतमी देशपांडेने देखील तिच्या सोशल मीडियावरही एक फोटो शेअर केला आहे. ज्यामुळे या गोंधळात अजूनच भर पडली आहे. हातात पिस्तूल घेऊन गोळी झाडणाऱ्या सईचा हा फोटो असून या दोन्हीचा एकमेकांशी काय संबंध आहे? खरेच आदित्यचा मृत्यू होणार आहे का? सईच आदित्यवर हल्ला करणार की कोणा दुसऱ्याने केलेल्या हल्याला परतवून लावण्यासाठी सईने हातात शस्त्र घेतले आहे.. असे अनेक प्रश्न उपस्थित झाले आहेत. 'माझा होशील ना' मालिकेच्या पुढच्या काही भागात या साऱ्या प्रश्नाची उत्तरे मिळतील अशी अपेक्षा आहे. आदित्यला त्याच्या पूर्वायुष्याबद्दल आणि तो आदित्य ग्रुप ॲाफ कंपनीजचा मालक असल्याबद्दलही कळणार आहे असे ही सूत्रांकडून समजले आहे. त्यामुळे या हल्ल्याचा आणि आदित्यच्या पूर्वायुष्याचा संबंध नसेल ना हे पाहणे औस्त्युक्याचे ठरणार आहे. मालिकेत नेमके काय घडणार आहे, हे जाणून घेण्यासाठी मालिकेचे आगामी भाग नक्की बघा.
from Marathi Bollywood News, Marathi Cinema News https://ift.tt/3y5rrNx
