मुंबई: सोनी टीव्हीवरील सिंगिंग रिअलिटी शो '' मागच्या काही काळापासून सातत्यानं चर्चेत आहे. या शोच्या स्पर्धकांपासून ते परीक्षकांपर्यंत सर्वांनाच सोशल मीडियावर ट्रोल केलं जात आहे. काही दिवसांपूर्वी या शोमधील स्पर्धक शनमुखप्रियाला सोशल मीडियावर जोरदार ट्रोल केलं गेलं होतं. त्यानंतर आता या शोच्या परीक्षकांवर सोशल मीडियावरून टीका केली जात आहे. पण यावेळी परीक्षकांवर केवळ टीकाच केली जात नाहीये तर त्यांच्यावर मीम्स तयार करून सोशल मीडियावर शेअर केले जात आहेत. २० जून दिवशी फादर्स डे साजरा केला जातो. त्यानिमित्तानं नुकत्याच प्रसारित केलेला इंडियन आयडलनं हा फादर्स डे स्पेशल एपिसोड प्रसारित केला होता. ज्यात गीतकार मनोज मुंतशिर यांनी प्रमुख पाहुणे म्हणून हजेरी लावली होती. यावेळी सर्व स्पर्धकांनी आपली गाणी वडिलांना समर्पित केली. पण हा एपिसोड पाहिल्यानंतर अनेक युझर्सचं म्हणणं आहे की, मेकर्स ओरिजनल प्लॉट विसरून गेले आहेत आणि त्यांनी हा शो डेली सोप करून टाकलं आहे. ' १२'मध्ये सध्या अनु मलिक, आणि परीक्षक म्हणून काम पाहत आहेत. नुकत्याच प्रसारित झालेल्या या एपिसोडमध्ये सर्व स्पर्धकांसोबत त्यांचे वडील उपस्थित होते. त्यांच्या वैयक्तिक आयुष्यातील अनुभव ऐकल्यानंतर तीनही परीक्षक भावुक झालेले पाहायला मिळाले. त्यावरून आता सोशल मीडिया युझर्सनी परीक्षकांवर राग व्यक्त केला आहे. एवढंच नाही तर त्यांनी यावरून मीम्स देखील शेअर केले आहेत. लोकांचं म्हणणं आहे की, विनाकारण रडून, भावुक होऊन आणि जबरदस्तीनं अशा प्रकारचं वातावरण तयार करून यांनी हा शो एका ड्रामा बनवून टाकला आहे. यासोबत ट्विटरवर मीम्सचा पाऊस पडताना दिसत आहे. अनेक युझर्सनी नुकत्याच प्रसारित झालेल्या एपिसोडवरून परीक्षकांची खिल्ली उडवली आहे. मीम्स शेअर करताना एका युझरनं लिहिलं, 'जेव्हाही मी गाणं ऐकण्यासाठी इंडियन आयडल पाहतो. तेव्हा मला डेली सोप पाहायला मिळतो.' आणखी एका युझरनं लिहिलं, 'माझा लहान भाऊ ग्लिसरीन तयार करण्याचं काम करतो त्याला विचारायला हवं याचा इंडियन आयडलमध्ये किती उपयोग होतो. '
from Marathi Bollywood News, Marathi Cinema News https://ift.tt/2Ud7LZ8
