नवी दिल्ली. Tinder, हे तरुणाईचे आवडते App आहे. आजच्या या नव्या जनरेशनमधील अनेकांनी टिंडर वापरले देखील असेल. आता टिंडर वापरणे अधिक सोपे होणार आहे. यात काही नवीन फीचर्स जोडण्यात आले आहे. अनेक दिवसांच्या प्रतीक्षेनंतर अखेर टिंडरने स्वतःचा फोन नंबर वापरुन संपर्क ब्लॉक करण्याची क्षमता जोडली आहे. म्हणजेच, जर कुणी आपल्याला टिंडरवर दिसू नये ते वाटत असेल तर आपल्याकडे आता त्यांना कायमचा ब्लॉक करण्याचा पर्याय आहे. एखादी मित्र, मैत्रीण किंवा इतर संपर्क चुकून तुमचे प्रोफाइल पाहत असतील तर त्यावेळी हे फीचर कामी येईल. थोडक्यात सांगायचे तर हे फिचर टिंडर वापरणाऱ्या प्रत्येकालाच आवडणार असे म्हटले तर, ते चुकीचे ठरणार नाही. याबद्दल अधिक माहिती करून घ्यायचे असेल तर हे स्टेप बाय स्टेप गाईड फॉलो करा. टिंडरवरील ब्लॉकिंग वैशिष्ट्याबद्दल माहित असणे आवश्यक
- आपण ब्लॉक केल्यावर अवरोधित संपर्कांना सूचित केले जाणार नाही
- आपण आपल्या संपर्कातून कुणालाही ब्लॉक करू शकता.
- संपर्क ब्लॉक केल्यांनतर आपल्या मेसेजेस वर त्याचा कसलाही परिणाम होणार नाही.
- एखाद्याला ब्लॉक करण्यासाठी वापरली जाणारी संपर्क माहिती त्यांनी साइन अप करता असतांना प्रदान केलेल्या माहितीशी जुळत नसल्यास, टिंडर तो संपर्क ब्लॉक करण्यास सक्षम राहणार नाही.
- टिंडर उघडा आणि प्रोफाइल चिन्हावर टॅप करा आणि सेटिंग्ज वर जा.
- आता, खाली स्क्रोल करा आणि संपर्क ब्लॉक निवडा, स्क्रीनच्या शीर्षस्थानी + चिन्ह टॅप करा.
- या व्यक्तीची संपर्क माहिती इनपुट करा आणि पूर्ण झाले टॅप करा.
from Gadget News in Marathi: Computer, Mobile, Auto News in Marathi | Maharashtra Times https://ift.tt/3gl7wTe