मुंबई: पॉर्न फिल्म आणि वेब सीरीजची निर्मिती तसंच, ओटीटी प्लॅटफॉर्मवर ते प्रदर्शित केल्याप्रकरणी अटक झालेला उद्योगपती याच्या अडचणी वाढताना दिसत आहेत. त्याच्या सोबतच शिल्पाच्या देखील अडचणी वाढण्याच्या शक्यता आहेत. राज कुंद्राच्या अटकेनंतर शिल्पानं अद्यापही प्रतिक्रिया दिली नसली तरी, राजच्या या सर्व प्रकरणाबद्दल तिला पूर्वीपासून कल्पना होती, असं म्हटलं जात होत. ती देखील या प्रकरणात सामील असल्याच्या शक्यता वर्तवल्या जात असतानाच पोलिसांकडून मोठा खुलासा करण्यात आला आहे. मुंबई पोलिसांनी घेतलेल्या पत्रकार परिषदेत शिल्पाचा या प्रकरणाशी प्रत्यक्षपणे कोणताही सहभाग नसल्याचं म्हटलं आहे. काय आहे हे प्रकरण?गुन्हे शाखेच्या पथकाने अभिनयाच्या आड चालवला जाणारा अश्लील चित्रपटांचा बाजार फेब्रुवारीत उघडकीस आणला. अभिनेत्री गहना वसिष्ठ हिच्याशी चित्रपटसृष्टीशी संबंधित मेकअप आर्टिस्ट, कॅमेरामन; तसेच इतर आरोपींना अटक करण्यात आली होती. चित्रपटाच्या चित्रीकरणासाठी सेट उभारणे, अश्लील चित्रपटांसाठी नवीन मॉडेल्स शोधणे आणि ते चित्रपट ओटीटीवर प्रदर्शित करणे यासाठी मोठ्या प्रमाणात पैशांची गरज असल्याने यामागे एखादी कंपनी किंवा मोठी व्यक्ती असल्याचा पोलिसांना संशय होता. यानंतर तपास करुन पुराव्यांच्या आधारावर राज कुंद्राला पोलिसांनी अटक केली आहे.
from Marathi Bollywood News, Marathi Cinema News https://ift.tt/2VZEq5k
