मुंबई: सोनी टीव्हीवरील लोकप्रिय कॉमेडी शो '' सोशल मीडियावर नेहमीच चर्चेत असतो. मागच्या काही दिवसांपासून या शोमध्ये रिसॉर्ट प्लॉट दाखवण्यात येत आहे. गोकुळधाम सोसायटीचे सर्व सदस्य सध्या रिसॉर्टला गेल्याचं दाखवण्यात येत आहे. पण यामध्ये अभिनेत्री अर्थात कुठेही दिसत नाहीये. ज्यामुळे तिनं हा शो सोडला आहे अशा चर्चा सोशल मीडियावर होताना दिसत आहे. पण आता मुनमुननं यावर मौन सोडत प्रतिक्रिया दिली आहे. मुनमुन दत्तानं शो सोडल्याच्या चर्चा एका बाजूला होत असतानाच तिनं सोशल मीडियावर एक पोस्ट शेअर करत अशा वृत्तांवर मौन सोडलं आहे. आपल्या इन्स्टाग्राम स्टोरीवर एक पोस्ट शेअर करताना मुनमुन दत्तानं लिहिलं, 'मागच्या काही दिवसांपासून की गोष्टी चुकीच्या पद्धतीनं बोलल्या जात आहेत. ज्याच्या माझ्या आयुष्यावर खूपच नकारात्मक प्रभाव पडत आहे. मी कामावर रिपोर्ट करत नाहीये असं बोललं जातंय जे पूर्णपणे चुकीचं आहे. जी कथा लिहिली गेली त्यात माझं असणं गरजेचं नाहीये हेच सत्य आहे. त्यामुळे मला प्रोडक्शन हाऊसनं शूटिंगसाठी बोलावलेलं नाही. सीन काय असणार आहे किंवा स्टोरी लाइन काय असणार आहे. हे सर्व मी ठरवत नाही तर प्रोडक्शन हाऊस ठरवतं.' आपल्या पोस्टमध्ये मुनमुन दत्तानं पुढे लिहिलं, 'मी माझ्या भूमिकेसाठी कामावर जाते आणि माझं काम संपवून परत येते. पण जर एखाद्या सीनमध्ये माझी गरज नसेल तर मग मी शूटसाठी का जावं? जर मी कधी शो सोडला तर याबाबत मी स्वतः सर्वांना कळवेन. कारण माझ्या मते अनेक प्रेक्षक या शोसोबत भावनिकरित्या जोडले गेले आहेत. त्यामुळे सत्य काय आहे हे जाणून घेण्याचा त्यांना अधिकार आहे.' दरम्यान, एका वेबपोर्टलने दिलेल्या माहितीनुसार मुनमुनला सोशल मीडियावर ट्रोल करण्यात आले होते. त्यानंतर ती मालिकेच्या सेटवर दिसलेली नाही. मालिकेत तिच्या नसण्यावरही काही भाष्य झालेले नाही. त्यामुळे तिने ही मालिका सोडली की काय असा प्रश्न सातत्याने विचारला जात होता.
from Marathi Bollywood News, Marathi Cinema News https://ift.tt/3BPVJqf
