मुंबई: एकेकाळची प्रसिद्ध पॉर्न स्टार मिया खलिफानं नुकतीच पती रॉबर्ट सँडबर्गपासून वेगळं होत असल्याची घोषणा केली आहे. मिया जवळपास दोन वर्षांपूर्वी बॉयफ्रेंड रॉबर्ट सँडबर्गशी लग्न केलं होतं. पण आता हे दोघंही वेगळे होत आहेत. मियानं तिच्या सोशल मीडियावरून चाहत्यांना याची माहिती दिली आहे. पती रॉबर्ट सँडबर्गसोबतचं लग्न वाचवण्याचा खूप प्रयत्न केला मात्र परिस्थिती अशी झाली आहे की, दोघांनीही वेगळं होण्याचा निर्णय घेतल्याचं तिनं आपल्या पोस्टमध्ये लिहिलं आहे. आपल्या इन्स्टाग्राम पोस्टमध्ये मिया खलिफानं लिहिलं, 'आम्ही पूर्ण विश्वासासहित हे सांगू शकतो की, आम्ही आमचं लग्न वाचवण्याचा पूर्ण प्रयत्न केला. पण एक वर्षभर थेरपी आणि अनेक प्रयत्नानंतर आमच्या एकमेकांप्रती असलेल्या भावना संपल्याचं आम्हाला जाणवलं ज्यासाठी आम्ही पूर्ण प्रयत्न केला होता. आम्ही नेहमीच एकमेकांना प्रेम आणि सन्मान देत राहू कारण कोणत्याही घटनेमुळे नाही तर एकमेकांसोबतच्या मतभेदांमुळे आम्ही वेगळे होत आहोत. जे बदलू शकत नाही. त्यामुळे कोणीच एकमेकांवर आरोप लावू शकत नाही.' मियानं तिच्या निवेदनात पुढे लिहिलं, 'आम्ही जे करत आहोत त्याचा आम्हाल अजिबात पश्चाताप होत नाही आहे आणि आम्ही वेगवेगळी नवी सुरुवात करणार आहोत. पण आम्ही आमचं कुटुंब, मित्र आणि पाळीव प्राण्यांच्या माध्यामतून एकमेकांच्या संपर्कात असणार आहोत. हे खूप आधीच होणार होतं पण आम्हाला आनंद आहे की आम्ही आमचा वेळ घेतला. पूर्ण प्रयत्न केले आणि आता एकमेकांपासून दूर जाताना आम्ही एकमेकांना सांगू शकतो की, आम्ही पूर्ण प्रयत्न केले.' मिया खलिफानं २०१४ साली पॉर्न इंडस्ट्रीमध्ये पाऊल ठेवलं होतं. त्यानंतर तिनं स्वतःला कुटुंबापासून वेगळं केलं होतं. नंतर २०१६ साली तिनं आपण ३ महिनेच पॉर्न इंडस्ट्रीमध्ये काम केल्याचं म्हटलं होतं. त्यानंतर तिनं पॉर्न इंडस्ट्री सोडली. २०१९ मध्ये मिया खलिफानं स्वीडनमध्ये राहणाऱ्या शेफ रॉबर्ट सँडबर्गशी साखपुडा उरकला होता आणि त्यांनतर दोन महिन्यांनी म्हणजेच जून २०१९ मध्ये या दोघांनी लग्न केलं होतं.
from Marathi Bollywood News, Marathi Cinema News https://ift.tt/3eTPwiW
