मुंबई: काही काळापूर्वीच 'नागिन' फेम टीव्ही अभिनेता पर्ल वी पुरीला अल्पवयीनवर बलात्कार केल्याच्या आरोपाखाली अटक केल्यानंतर टीव्ही विश्वात एकच खळबळ उडाली होती. अनेक टीव्ही कलाकारांनी पर्लला आपला पाठिंबा दर्शवला होता. काही दिवसांनी पर्लची जामिनावर मुक्तताही झाली. पण या प्रकरणाला अवघे काही दिवस उलटले असतानाच आता आणखी एका टीव्ही अभिनेत्याला अशाच एका प्रकरणात अटक करण्यात आली आहे. '' फेम अभिनेता प्राचीन चौहानला तरुणीशी गैरवर्तन करून तिची छेड काढल्याच्या आरोपांखाली पोलिसांनी अटक केली आहे. स्टार प्लसवरील लोकप्रिय मालिका 'कसौटी जिंदगी की'मध्ये काम केलेला अभिनेता प्राचीन चौहानला तरुणीशी गैरवर्तन आणि छेड काढल्याच्या आरोपाखाली मलाड पूर्व पोलिसांनी अटक केली आहे. प्राचीन हा देखील पर्ल पुरीप्रमाणेच एकता कपूर प्रोडक्शनशी जोडलेला होता. मीडिया रिपोर्टनुसार पीडित तरूणीनं तक्रार केल्यानंतर प्राचीनच्या विरोधात पोलिसांनी आयपीसी कलम ३५४, ३४२, ३२३ आणि ५०६(२)खाली गुन्हा दाखल करत पुढील तपास सुरू केली आहे. प्राचीननं 'कसौटी जिंदगी की' या मालिकेतून टीव्ही विश्वात पदार्पण केलं होतं. या मालिकेत त्यानं सुब्रको बसू ही व्यक्तीरेखा साकारली होती. त्यानंतर त्यानं 'कुछ झुकी पलकें', 'सिंदूर तेरे नाम का', 'सात फेरे' आणि 'माता पिता के चरणों में स्वर्ग' यांसारख्या काही मालिकांमध्ये काम केलं आहे. अलिकडच्या काळात प्राचीन युट्यूबवरील 'शिटी आइडियाज ट्रेंडिंग' या शोमुळे चर्चेत आहे. ज्यात त्यानं अभिमन्यूची भूमिका साकारली आहे. दरम्यान अटकेप्रकरणी प्राचीननं अद्याप कोणतीही प्रतिक्रिया दिलेली नाही.
from Marathi Bollywood News, Marathi Cinema News https://ift.tt/3we3baC
