मुंबई: गायक आणि रॅपर हनी सिंगला बॉलिवूडमध्ये यश आणि प्रसिद्धी तर बरीच मिळाली. पण वेळ बदलतो तशी प्रसिद्धी हळू हळू कमी होत जाते. हनी सिंगच्या बाबतीतही काहीसं असंच घडलं. हनी सिंगची प्रसिद्धीही अशीच कमी झाली आणि याचं कारण होतं त्याचं सातत्यानं वादाच्या भोवऱ्यात अडकत गेला. अगदी गाण्यांच्या लिरिक्सपासून ते खासगी आयुष्यापर्यंत वेगवेगळ्या कारणांमुळे वादात अडकला. हनी सिंगला जावं लागलं होतं रिहॅब सेंटरमध्ये हनी सिंग मधल्या काळात म्यूझिक इंडस्ट्रीपासून दूर होता. त्या काळात त्याला ड्रग्सचं व्यसन लागल्यानं तो रिहॅब सेंटरला गेल्याचं बोललं जात होतं. अर्थात हा फक्त अंदाज होता पण त्यानंतर गायक जसबीर जस्सीच्या एका वक्तव्यानंतर सर्वच हैराण झाले. त्यानं म्हटलं होतं, 'मी हनी सिंगला एका रिहॅब सेंटरमध्ये भेटलो होतो.' यावर काहींच म्हणणं होतं की तो पब्लिसिटी स्टंट होता. तर काहींच्या मते खरंच हनी सिंग रिहॅब सेंटरमध्ये होता. लिरिक्समुळे झाला होता वाद हनी सिंग एकदा नाही तर अनेक वेळा त्याच्या गाण्यांच्या लिरिक्समुळे वाद झाले आहेत. लोकांनी त्याच्यावर आरोप केला होता की, तो त्याच्या गाण्यांमध्ये डबल मिनिंगचा वापर करतो. ज्याप्रकारे तो त्याच्या गाण्यांमध्ये स्त्रियांना कोणत्या सामानाप्रमाणे दाखवतो त्याला अनेक एनजीओंनी विरोध केला होता. याशिवाय हनी सिंगवर बरीच टीकाही झाली होती. त्याच्यावर अश्लील गाणी तयार करत असल्याचा आरोप लोकांनी केला होता. हे त्याचं आणि बादशाहचं गाणं होतं. त्यानंतर या गाण्यातील आवाज आपला नसल्याचं हनी सिंगनं म्हटलं होतं पण त्यावर कोणी फारसा विश्वास ठेवला नाही आणि हे प्रकरणा न्यायालयात गेलं. इन्स्टाग्राम लिंक- रॅपर बादशाहसोबत भांडण हनी सिंग आणि बादशाह यांच्यातील वाद बराच गाजला. हनी सिंगनं बादशाहला नॅनो कार म्हटलं होतं ज्यामुळे या दोघांमध्ये खूप भांडण झालं. या दोघांनी एकत्र 'खोल बोतल', 'चार शनिवार' आणि 'गेट अप जवानी' अशी काही सुपरहिट गाणी दिली होती. पण काही काळानंतर दोघांमध्ये वाद झाले. दोघांनीही एकमेकांवर वेगवेगळे आरोप लावले. पण रिपोर्टनुसार त्यांचे शाब्दिक वाद पुढे मारहाणी पर्यंत वाढले. दिल्लीतील एका पार्टी दोघांमध्ये जोरदार भांडण झालं होतं. जेव्हा बऱ्याच काळानंतर जेव्हा हनी सिंगनं मोठ्या पडद्यावर पदार्पण केलं तेव्हा त्याचा चित्रपट 'जोरावर'च्या प्रमोशनसाठी तो स्टेजवर असताना त्याला बादशाहानं तुला इंडस्ट्रीमध्ये रिप्लेस केलं का असं विचारलं होतं ज्यावर उत्तर देताना त्यानं रोल्स रॉयस आणि नॅनो कार कारची कधी तुलना होऊ शकत नाही असं म्हटलं होतं. हनी सिंग आणि रफ्तार वाद एक वेळ अशी होती जेव्हा रफ्तार आणि हनी सिंग एकमेकांचे चांगले मित्र होते. पण त्यांच्या मैत्रीत तेव्हा फूट पडली जेव्हा हनी सिंगनं त्याचं सुपरहिट गाणं 'माफिया मुंदीर'च्या क्रेडिटमध्ये रफ्तार आणि त्याच्या टीमला क्रेडिट दिलं नाही. हे गाणं खूप हिट झालं होतं. पत्नीनं लावला कौटुंबीक हिंसाचाराचा आरोप लग्नाच्या १० वर्षांनंतर हनी सिंगची पत्नी शालिनी तलवारनं त्याच्यावर कौटुंबीक हिंसाचाराचा आरोप केला आहे. शालिनीनं दिल्लीच्या तीस हजारी न्यायालयात खटला दाखल करत सासरच्या लोकांविरोधात शारीरिक हिंसा, लैंगिक हिंसा, मानसिक छळ आणि आर्थिक हिंसेचा आरोप केला आहे.
from Marathi Bollywood News, Marathi Cinema News https://ift.tt/3lvEvbR
