मुंबई : अश्लिल फिल्म बनवणे आणि ते पेड अॅपवर रिलीज केल्याप्रकरणी अभिनेत्री शिल्पा शेट्टीचा नवरा आणि उद्योगपती राज कुंद्राला अटक झाली आहे. राजला अटक झाल्यापासून शिल्पा शेट्टीवर दुःखाचा डोंगर कोसळला आहे. तिच्या आयुष्यातील हा सर्वात कठीण काळ सुरू आहे. या कठीण काळातही शिल्पा स्वतःला नॉर्मल ठेवण्याचा प्रयत्न करत आहे आणि त्यामुळेच ती पुन्हा एकदा सुपरडान्स कार्यक्रमात परतली आहे. सोशल मीडियावर भावूक पोस्ट अनेक दिवसांनंतर शिल्पाने सोशल मीडियावर पोस्ट केली आहे. याही वेळी शिल्पाने पोस्टमध्ये योगा आणि प्रेरणादायी कोट असलेले विचार शेअर केले आहेत. अलिकडेच शिल्पाने तिच्या इन्स्टाग्राम स्टोरीवर एक पोस्ट शेअर केली होती. त्यामध्ये तिने एका पुस्तकाच्या पानाचे फोटो तिने शेअर केले होते. या पानावर जो लेख होता त्याचे शिर्षक होते चूका. आयुष्यातील चुकांबद्दल त्यात लिहिले होते. चुका या आयुष्याचा अविभाज्य भाग आहेत शिल्पा शेट्टीने सोपिया लॉरेन यांनी त्यांच्या पुस्तकात लिहिलेल्या एका प्रकरणाचे फोटो काढून ते शेअर केले आहेत. या पुस्तकामध्ये लिहिले आहे की, ' आयुष्यात घडणा-या चुकांचे परिणाम जीवनावर उमटतात. आयुष्यात काही चुका केल्याशिवाय ते रंजक होऊ शकत नाही. फक्त एकच त्या चुका धोकादायक असू नये. तसेच त्या चुकांमुळे इतरांना दुःख होऊ नये... मात्र चुका या होतातच.' चुकांमधून शिकणे आवश्यक आहे या पुस्तकामध्ये पुढे लिहिले आहे की, ' ज्या गोष्टींना आपण विसरू पाहतो अशा गोष्टींमध्ये आपल्या चूका देखील असतात. परंतु एक आव्हानात्मक, रंजक अनुभव म्हणूनसुद्धा त्यांच्याकडे पाहिले जाऊ शकते. कारण त्यामधून आपण बरेच काही शिकू शकतो', असे या पानावर लिहिले आहे. 'मी चुका करणार. मी स्वत:ला माफ करणार आणि झालेल्या चुकांमधूनच शिकणार', अशी ओळ या पोस्टच्या शेवटी आहे. या पोस्टवर एक स्टिकर शिल्पाने ही पोस्टबरोबर एक स्टिकरही शेअर केला आहे. या पोस्टबरोबरच प्रत्येकाचे लक्ष या स्टिकरकडे जात आहे. त्या स्टिकरवर लिहिले आहे की, 'मी चूक केली आहे परंतु ठीक आहे ना...' दरम्यान, शिल्पाने बुधवारी देखील इन्स्टाग्राम स्टोरीवर एक पोस्ट शेअर केली होती. त्यात लिहिले होते, ' प्रत्येक क्षण जगा' दरम्यान, राज कुंद्राला १९ जुलै रोजी अटक झाल्यानंतर अनेक दिवस शिल्पा सुपर डान्सर कार्यक्रमात सहभागी झाली नव्हती. जवळपास तीन आठवड्यानंतर ती या कार्यक्रमात परतली आहे. शिल्पा शेट्टीसोबत या कार्यक्रमात गीता आणि अनुराग बासू हे परीक्षक म्हणून आहेत. ती परत आल्यामुळे कार्यक्रमातील सर्वजण आनंदीत झाले आहे. त्याचप्रमाणे सेटवर ब-याच दिवसांनी आल्यामुळे आणि सगळ्यांनी भरभरून शिल्पाचे स्वागत केल्यामुळे ती खूपच भावूक झाली होती.
from Marathi Bollywood News, Marathi Cinema News https://ift.tt/38mvWYQ