मुंबई- बॉलिवूडमधील मोठमोठ्या सुपरस्टार्सच्या आयुष्याबद्दल जाणून घेण्याची इच्छा चाहत्यांना असतेच. शाहरुख खान, सलमान खान यांसारख्या कलाकारांच्या चाहत्यांची संख्याही मोठी आहे. ते जिथेही जातात चाहते त्यांना पाहण्यासाठी एकच गर्दी करतात. या गर्दीपासून त्यांना वाचवण्याचं काम हे कलाकारांचे बॉडीगार्ड करतात. त्यामुळे कलाकारांप्रमाणे त्यांचे बॉडीगार्डही चाहत्यांमध्ये लोकप्रिय होतात. सलमान, शाहरुख, दीपिका पादुकोण यांच्या बॉडीगार्डची तर सोशल मीडियावर कायम चर्चा असते. मात्र बॉलिवूडचे महानायक यांच्या बॉडीगार्डबद्दल कुणालाही फारसं माहीत नाही. सध्या अमिताभ यांच्या बॉडीगार्डची सोशल मीडियावर प्रचंड चर्चा आहे. अमिताभ यांच्या बॉडीगार्डचं नाव आहे. जितेंद्र त्यांना मिळणाऱ्या पगारामुळे सोशल मीडियावर चर्चेत आले आहेत. बिग बी यांची फॅन फॉलोविंग पाहता त्यांच्या सुरक्षेसाठी केला जाणारा खर्च हा जास्त आहे. त्याला साजेसा असाच जितेंद्र यांचा पगार आहे. एका वृत्तपत्राच्या माहितीनुसार, जितेंद्र यांना मिळणारा पगार हा एखाद्या डॉक्टर आणि इंजिनिअरपेक्षाही जास्त आहे. जितेंद्र यांना वर्षाचा एक कोटी पन्नास लाख इतका पगार मिळतो. हा पगार अभिनेत्री दीपिका आणि अनुष्का शेट्टी यांच्या बॉडीगार्डला मिळणाऱ्या पगारपेक्षाही जास्त आहे. जितेंद्र यांची स्वतःची सुरक्षारक्षक एजन्सी आहे. परंतु, ते स्वतः मात्र अमिताभ यांच्या सोबतच असतात. सध्या जितेंद्र यांना मिळणाऱ्या पगारामुळे मोठा वाद निर्माण होण्याची शक्यता आहे. जितेंद्र यांना मिळणाऱ्या पगाराची चौकशी करण्याचे आदेश देण्यात आले आहेत. अमिताभ यांच्या कामाबद्दल सांगायचं तर अमिताभ यांचा 'चेहरे' लवकरच प्रेक्षकांच्या भेटीला येणार आहे. या चित्रपटाबद्दल प्रेक्षकांच्या मनात प्रचंड उत्सुकता आहे. तर अमिताभ 'झुंड', 'ब्रम्हास्त्र' आणि 'गुडबाय' चित्रपटात झळकणार आहेत.
from Marathi Bollywood News, Marathi Cinema News https://ift.tt/3znVf94