मुंबई : अभिनेत्री सोशल मीडियावर खूपच सक्रीय असते. सुश्मिता ४५ वर्षांची असली तरी आजही तिचे सौंदर्य आणि तिचा ग्लॅमरस अंदाज चाहत्यांना खूप आवडतो. त्यामुळेच तिने शेअर केलेल्या फोटो, व्हिडिओंवर भरभरून लाइक आणि कमेन्ट करत असतात. अलिकडेच सुश्मिता सेनने इन्स्टाग्रावर दोन फोटो शेअर केले आहेत आणि आपले काही विचार मांडले. इन्स्टाग्रामवर शेअर केलेल्या फोटोंमध्ये सुश्मिता खूपच सुंदर दिसत आहे. या फोटोमध्ये तिने काळ्या रंगाचा स्लिव्हलेस टॉप घातला आहे. या फोटोंमध्ये तिच्या चेहऱ्यावर मंद स्मित आहे. हे फोटो शेअर करत सुष्मिताने लिहिले की, 'एक वेगळा दृष्टीकोन हा सहसा आपले जीवन बदलण्याची पहिली पायरी असते. मी तुम्हा सर्वांना खूप मिस केले. माझ्या आयुष्यात खूप काही घडत होते आणि मला असे वाटते की तुमच्याही आयुष्यात देखील काही घडत असेल. आपल्या आयुष्यात जे काही घडत असेल ते लवकर आपण एकमेकांशी शेअर करू या.' या पोस्टच्या शेवटी सुष्मिताने सर्वांबद्दल प्रेम व्यक्त केले आहे. सुश्मिताने शेअर केलेल्या या पोस्टवर तिचे चाहते भरभरून लाईक आणि कमेन्ट करत आहेत. इतकेच नाहीतर अनेक सेलिब्रिटींनीही त्यावर कमेंट आणि लाइक्सचा वर्षाव केला आहे. अभिनेत्री अनुष्का शर्माने देखील सुश्मिताची ही पोस्ट लाइक केली आहे. एका यूजरने ‘मला असे वाटते की तू कोणत्या तरी गोष्टीमुळे अपसेट आहेस’ असे म्हटले आहेत. तर दुसऱ्या एका चाहत्याने ‘आर्या २ कधी येणार?’ असे विचारले आहे. त्यावर तिने उत्तर दिले की लवकरच 'आर्या' वेब सीरिजचा दुसरा सिझन येणार आहे. दरम्यान, सुश्मिताने शेअर केलल्या या पोस्टवरून सोशल मीडियावर चर्चांना उधाण आले आहे. नेमके तिच्या आयुष्यात काय घडते आहे, याची उत्सुकता सर्वांनाच लागली आहे.
from Marathi Bollywood News, Marathi Cinema News https://ift.tt/3yzRIDv