मुंबई : अनेक वर्षांपासून मनोरंजन विश्वामध्ये '' मालिका लोकप्रियतेच्या शिखरावर आहे. या मालिकेतील प्रत्येक कलाकाराने प्रेक्षकांच्या मनात स्वतःचे स्थान निर्माण केले आहे. या कार्यक्रमातील बापूजी ही भूमिका खूपच लोकप्रिय झाली आहे. ही भूमिका साकारत आहे. अमित ही भूमिका अतिशय समरसून करत आहे. तारक मेहता का उल्टा चश्मा या मालिकेतील बापूजी ही भूमिका साकारताना अमित भट्टने खूप मेहनत घेत आहे. बापूजी ही व्यक्तिरेखा वयस्कर अशी आहे. त्यामुळे त्याची देहबोली तशा पद्धतीने तो साकारत आहे. त्यामुळेच ही भूमिका अशी उठावदार व्हावी, यासाठी अमितने त्याचे केस अनेकदा कापल्याचे त्याने एका मुलाखतीमध्ये सांगितले. अमितने मुलाखतीमध्ये सांगितले की, 'बापूजी ही भूमिका उत्तम पद्धतीने साकारली जावी यासाठी मी खूप मेहनत घेतली. या मालिकेच्या चित्रीकरणावेळी दिवसातून दोन ते तीन वेळा मी केस कापायचो. आतापर्यंत मी तब्बल २८० वेळा केस कापले आहे. हे असे सातत्याने केल्याने मला स्किन इन्फेक्शन झाले. डोक्यावरील केस सतत रेजर ब्लेडने कापल्याने माझ्या डोक्याची स्किन खूपच नाजूक झाली होती. डॉक्टरांकडे गेल्यावर त्यांनी मला यापुढे केस न कापण्याचा सल्ला दिला.' मालिकेच्या जुन्या भागांमध्ये अमित भट्ट यांनी साकारलेल्या बापूजींना पूर्णपणे टक्कल दिसत होते. परंतु अमित यांना भेडसावणाऱ्या या समस्येमुळे निर्मात्यांनी त्यासाठी विग आणला. परंतु अमित यांनी विग न घालता गांधी टोपी घालण्याचा निर्णय घेतला. त्यांचा हा निर्णय बापूजी या व्यक्तिरेखेला साजेसा असा होता. गेल्या १३ वर्षांपासून ही मालिका आणि यातील कलाकार प्रेक्षकांचे सातत्याने मनोरंजन करत आहेत.
from Marathi Bollywood News, Marathi Cinema News https://ift.tt/3sSg8Xk