मुंबई : हिंदी सिनेसृष्टीमध्ये अभिनेता त्याच्या दमदार आवाजासाठी आणि स्टाईलमध्ये डायलॉग म्हणण्यासाठी ओळखला जातो. त्यामुळे त्याच्या सिनेमातील अनेक डायलॉग प्रेक्षकांच्या लक्षात राहतात. सनी देओलने 'दामिनी' या लोकप्रिय सिनेमात काम केले. यातील 'तारीख पे तारीख' हा त्याचा डायलॉग खूपच लोकप्रिय झाला होता. सनी देओल हा डायलॉग म्हणत असलेला एक व्हिडिओ सोशल मीडियावर खूपच व्हायरल झाला आहे. परंतु हा डायलॉग म्हणताना सनी खूप भडकलेला दिसत आहे. काय घडले नेमके सनीने त्याच्या इन्स्टाग्राम अकाउंटवर हा व्हिडिओ शेअर केला आहे. तो या व्हिडिओमध्ये त्याच्या 'दामिनी' या सिनेमातील 'तारीख पे तारीख' हा डायलॉग बोलताना दिसत आहे. त्याच्या समोर बसलेली व्यक्ती त्याला म्हणतो, 'सर, जरा जोरात म्हणा...' त्यानंतर सनी मोठ्या आवाजात हे डायलॉग पुन्हा म्हणतो. त्यानंतर तिच व्यक्ती सनीला आणखी मोठ्याने म्हणायला सांगतो. तेव्हा सनी तो डायलॉग पुन्हा म्हणतो. त्यानंतर पुन्हा ती व्यक्ती सनीला आणखी मोठ्या आवाजात हाच डायलॉग म्हणायला सांगतो. तेव्हा सनी देओल भडकतो आणि त्या व्यक्तीच्या हातातून कागद ओढून घेतो आणि म्हणतो, 'अरे तू मला काय समजलास? इंदिरा नगरमधील गुंड आहे का मी... ' त्यानंतर तो कागद चुरगळत त्या व्यक्तीच्या हातात ठेवतो आणि सनी निघून जातो. सनी देओलने हा व्हिडिओ शेअर करत लिहिले की, ' मला व्हायरल व्हायचं नाहीए...' भले सनीने व्हायरल होऊ नये असे सांगितले आहे, परंतु हा व्हिडिओ खूपच व्हायरल झाला आहे. हा व्हिडिओ युझर्सना खूप आवडला असून त्यावर ते भरभरून कमेन्ट करत आहेत. सनी देओलच्या कामाबद्दल सांगायचे तर तो आर. बाल्की यांच्या आगामी सिनेमात काम करणार आहे. यात सनीसोबत पूजा भट्ट आणि दुलकर सलमान महत्त्वाच्या भूमिकेत दिसणार आहेत. सनी देओल हा पंजाब येथील गुरदासपूर येथून भाजपच्या तिकीटावर आमदार म्हणून निवडून आला आहे.
from Marathi Bollywood News, Marathi Cinema News https://ift.tt/3svuX1V
