मुंबई : छोट्या पडद्यावरील सर्वात वादग्रस्त परंतु तितकाच लोकप्रिय कार्यक्रम म्हणून बिग बॉस मराठी ची गणना होते. या कार्यक्रमाचे तिसरे पर्व लवकरच सुरू होत आहे. या तिसऱ्या पर्वामध्ये काही नवी चेहरे स्पर्धक म्हणून सहभागी होणार आहेत. करोनाच्या पार्श्वभूमीवर मध्ये काही महत्त्वाचे बदल करण्यात आले आहे. सुत्रांनी दिलेल्या माहितीनुसार निर्मात्यांनी बिग बॉसमध्ये सहभागी होणाऱ्या स्पर्धकांसाठी काही कठोर नियम टाकले आहेत. नवा कोरा सेट बिग बॉस मराठी ३ या कार्यक्रमाचा नवा कोरा सेट गोरेगाव फिल्म सिटीमध्ये उभारण्यात आला आहे. बिग बॉसच्या या घराची रचना कार्यक्रमाच्या थीमनुसार करण्यात आली आहे. सुत्रांनी दिलेल्या माहितीनुसार बिग बॉस मराठीच्या यंदाच्या पर्वामध्ये आकर्षक अशी थीम ठेवण्यात आली आहे. या थीमनुसार घरात इंटेरीअर करण्यात आले आहे. स्पर्धकांना क्वारंटाईन सक्तीचे बिग बॉस मराठी ३ च्या घरात प्रवेश करण्यापूर्वी यातील प्रत्येक स्पर्धकाला काही दिवस क्वारंटाईन व्हावे लागणार आहे. क्वारंटाईनचा कालावधी संपल्यानंतर मगच त्यांना बिग बॉसच्या घरात प्रवेश करता येणार आहे. स्वच्छता आणि हायजीनबाबत काटेकोर नियम बिग बॉस मराठी ३ च्या या पर्वामध्ये सहभागी होणाऱ्या प्रत्येक स्पर्धकाच्या तब्येतीचा आणि तिथल्या स्वच्छतेबाबत काटेकोर दक्षता घेण्यात आली आहे. सूत्रांनी दिलेल्या माहितीनुसार प्रत्येक सदस्याचे तापमान तपासले जाणार आहे. घराचे सॅनिटायझेशन केले जाणार आहे. यामुळे हा सर्व कार्यक्रम निर्विघ्नपणे पार पडू शकेल. टेस्ट बंधनकारक करोनाचे संकट अद्याप संपलेले नाही. त्यामुळेच बिग बॉस मराठीच्या टीममधील प्रत्येक सदस्याची करोना टेस्ट करण्यात आली आहे. तसेच बिग बॉसच्या घरात प्रवेश करणाऱ्या प्रत्येक सदस्याबरोबरच येथे येणाऱ्या पाहुण्यांचे आणि वाईल्ड कार्डद्वारे प्रवेश करणाऱ्या स्पर्धकांचीही कोविड टेस्ट बंधनकारक केली आहे. बिग बॉस मराठी ३ मध्ये सहभागी होणार १६ स्पर्धक बिग बॉस मराठी ३ च्या या पर्वामध्ये एकूण १६ स्पर्धक सहभागी होणार आहेत. त्यामध्ये वाईल्ड कार्डद्वारे येणाऱ्या स्पर्धकांचाही समावेश आहे. बिग बॉस ३ च्या पर्वामध्ये सहभागी होणारे सर्व स्पर्धक हे मराठीतील नामवंत मंडळी असल्याची माहिती सुत्रांनी दिली आहे.
from Marathi Bollywood News, Marathi Cinema News https://ift.tt/2X2sGzQ
