मुंबई : छोट्या आणि मोठ्या पडद्यावर आपल्या अभिनयाने स्वतःचे वेगळे स्थान निर्माण केलेला अभिनेता चे अवघ्या ४० व्या वर्षी हृदयविकाराच्या झटक्याने गुरुवारी निधन झाले. दरम्यान, सिद्धार्थच्या पश्चात त्याची आई रीता शुक्ला आणि दोन मोठ्या बहिणी आहेत. मुंबईतील कूपर रुग्णालयात त्याला बेशुद्धावस्थेत दाखल करण्यात आले. डॉक्टरांनी तपासले असता त्याला मृत घोषित करण्यात आले. रात्री झोपण्यापूर्वी सिद्धार्थने काही गोळ्या घेतल्या होत्या. त्यानंतर तो सकाळी झोपेतून उठलाच नाही. अभिनेता करण कुंद्राने सिद्धार्थसोबत 'ये रिश्ता क्या कहलाता है' या मालिकेत काम केले होते. सिद्धार्थच्या अचानक जाण्यामुळे करणला मोठा धक्का बसला आहे. त्याने सांगितले की बुधवारी रात्री त्या दोघांचे फोनवर बोलणे झाले होते. करणने शेअर केली पोस्ट सिद्धार्थ शुक्ला आता आपल्यात राहिला नाही, हे सत्य स्वीकारणे त्याच्या चाहत्यांना अवघड जात आहे. सिद्धार्थने मृत्यूच्या १२ तासांपूर्वी करणला कॉल केला होता. करण आणि सिद्धार्थ हे जवळचे मित्र होते. सिद्धार्थ शुक्लाच्या निधनाची बातमी कळताच सुरूवातीला त्याला विश्वास बसला नाही. परंतु जेव्हा ही बातमी खरी असल्याचे समजल्यावर त्याने इन्स्टाग्रामवर एक पोस्ट शेअर केली. या पोस्टमधून करणने त्याच्या भावना व्यक्त केल्या आहेत. करणने लिहिले की, 'ही बातमी माझ्यासाठी अतिशय शॉकिंग आहे. काल रात्रीच माझे सिद्धार्थशी बोलणे झाले होते. आम्ही दोघंही इंडस्ट्रीत खूपच चांगले काम करत होतो यावर आमचे बोलणेसुद्धा झाले. आता तो नाही यावर माझा अजूनही विश्वासच बसत नाही…मित्रा, तू खूप लवकर सोडून गेलास… तू कायम आठवणीत राहशील… कायम आनंदी रहा… तू सोडून गेल्याचे खूप दुःख वाटते आहे...' पोलिसांनी दिलेल्या माहितीनुसार, रात्री ३ ते ३.३० च्या सुमारास सिद्धार्थची तब्येत बिघडली. त्याला अस्वस्थ वाटू लागले आणि छातीत दुखू लागले होते. त्याने आईला ही गोष्ट सांगितली. सिद्धार्थच्या आईने त्याला पिण्यासाठी पाणी दिले आणि नंतर तो झोपण्यासाठी गेला. परंतु नंतर तो सकाळी उठलाच नाही. ‘बिग बॉस’चा सूत्रसंचालक सलमान खानने सुद्धा त्याच्या निधनावर शोक व्यक्त केला. सलमानने ट्वीट शेअर करत त्याला श्रद्धांजली अर्पण केली. 'तू खूप लवकर सोडून गेलास सिद्धार्थ.. तू कायम आठवणीत राहशील.. कुटुंबियांसाठी संवेदना.' दरम्यान, सिद्धार्थ शुक्लाच्या पीआर टीमने देखील एक स्पष्टीकरण जारी केलंय. यात त्यांनी लिहिले की, 'सिद्धार्थच्या जाण्याने आम्हालासुद्धा तितकाच धक्का बसलाय जितका तुम्हा सर्वांना… आमच्या या कठीण काळात आम्हाला साथ द्या अशी तुम्हा सर्वांना विनंती आहे. सिद्धार्थच्या पीआर टीमकडून सर्व माध्यमांकडून आमची एक विनम्रतेने एक विनंती आहे की सिद्धार्थच्या कुटुंबियांना त्यांची स्पेस द्या. आपण सर्वचजण दुःखात आहोत. आपल्या सर्वांना माहितीए सिद्धार्थ त्याचं खाजगी आयुष्य स्वतःपर्यंत मर्यादीत ठेवत आला आहे. त्यामुळे कृपया त्याच्या प्रायव्हसीचा आदर ठेवा.'
from Marathi Bollywood News, Marathi Cinema News https://ift.tt/3gXQUlU
