मुंबई- छोट्या पडद्यावरील लोकप्रिय कार्यक्रम 'बिग बॉस' पुन्हा एकदा प्रेक्षकांच्या भेटीला येणार आहे. नुकताच ' ओटीटी' ने प्रेक्षकांचा निरोप घेतला. दिव्या अग्रवाल हिने 'बिग बॉस ओटीटी' च्या ट्रॉफीवर तिचं नाव कोरलं. आता प्रेक्षकांना '' ची उत्सुकता लागून राहिली आहे. 'बिग बॉस १५' देखील लवकरच प्रेक्षकांचं मनोरंजन करण्यासाठी सज्ज होणार आहे. नेहमीप्रमाणे अभिनेता या सीजनच्या सूत्रसंचालकाची जबाबदारी पार पाडणार आहे. परंतु, या सीजनसाठी सलमानला देण्यात येणाऱ्या मानधनाचा आकडा वाचून चाहत्यांचे डोळे पांढरे झाले आहेत. बिग बॉसच्या सूत्रसंचालनासाठी सलमान प्रेक्षकांचा आवडता अभिनेता आहे. सलमानशिवाय इतर कुणालाही ही जबाबदारी दिली तर कार्यक्रमाची लोकप्रियता कमी होऊ शकते याची जाणीव निर्मात्यांना आहे. शिवाय 'बिग बॉस ओटीटी' चं सूत्रसंचालन करण जोहर ऐवजी सलमानने करावं अशी प्रेक्षकांची इच्छा होती. परंतु, तसं न झाल्याने प्रेक्षक नाराज झाले होते. त्यामुळे सलमान या सीजनमध्ये घरातील सदस्यांना खरं खोटं सुनावताना दिसणार आहे. परंतु, या कामासाठी सलमान घेणार असलेलं मानधन ऐकून चाहत्यांना प्रचंड धक्का बसला आहे. १४ आठवड्यांसाठी सलमान थोडे थोडके नाही तर तब्बल ३५० कोटी रुपये घेणार असल्याची माहिती सूत्रांनी दिली आहे. याबद्दल सलमान किंवा कार्यक्रमाच्या निर्मात्यांकडून कोणताही खुलासा करण्यात आलेला नाही. सलमान या सीजनसाठी घेणार असलेलं मानधन ऐकून सोशल मीडियावर अनेक प्रतिक्रिया उमटल्या आहेत. एका युझरने म्हटलं, 'ही आहे पैशांची चुकीची वाटणी. तुम्हाला फक्त स्क्रीनवर येऊन ओरडायचे ३५० कोटी मिळतात याशिवाय आणखी चांगलं काय असू शकतं.'
from Marathi Bollywood News, Marathi Cinema News https://ift.tt/3CqFkI9
