मुंबई- छोट्या पडद्यावरील लोकप्रिय अभिनेता आणि 'बिग बॉस १४' चा विजेता सिद्धार्थ शुक्ला याचं २ सप्टेंबर रोजी हृदयविकाराच्या झटक्याने निधन झालं. सिद्धार्थच्या जाण्याने त्याच्या चाहत्यांना प्रचंड मोठा धक्का बसला होता. सिद्धार्थच्या मृत्यूने त्याची जवळची मैत्रीण शहनाज गिल देखील पूर्णपणे तुटली होती. सोशल मीडियावर फिरणारे शहनाजचे फोटो पाहून नेटकऱ्यांना तिच्या दुःखाचा अंदाज आला होता. प्रत्येकजण शहनाजसाठी प्रार्थना करत होता. शहनाजची सोबत करण्यासाठी तिचे वडील संतोष सिंह यांनी शहनाजचं नाव हातावर गोंदून घेतलं होतं. आता शहनाजचा भाऊ शाहबाज याने देखील शहनाजसोबत सिद्धार्थचा चेहरा हातावर गोंदून घेतला आहे. शहबाजने त्याच्या हातावर सिद्धार्थचा हसणारा चेहरा गोंदून घेतला आहे. हा व्हिडीओ सोशल मीडियावर प्रचंड वायरल झाला आहे. शहबाजने त्याच्या इन्स्टाग्राम अकाउंटवर एक फोटो शेअर करत लिहिलं, 'तुझ्या आठवणी तुझ्याप्रमाणेच खऱ्या आहेत सिद्धार्थ. तू माझ्यासोबत कायम जिवंत राहशील. तू आमच्या आठवणीत कायम जिवंत राहशील.' शहबाजच्या हातावर हसणारा सिद्धार्थ पाहून चाहते पुन्हा एकदा भावुक झाले आहेत. सिद्धार्थचे चाहते घडलेल्या घटनेतून अजूनही सावरू शकलेले नाहीत. अशात पुन्हा एकदा सिद्धार्थला पाहून सगळेच त्याच्या आठवणीत रमले आहेत. सोशल मीडियावर वायरल होणारा व्हिडीओ पाहून चाहत्यांनी अनेक प्रतिक्रिया देखील दिल्या आहेत. एका युझरने लिहिलं, 'तुझी खूप आठवण येतेय भावा.' दुसऱ्या युझरने लिहिलं, 'स्वतःला सावर भावा आणि शहनाजला देखील सावर. तिची काळजी घे.' आणखी एका युझरने लिहिलं, 'आज सिद्धार्थची खूप आठवण येतेय. आशा करतो की तू आणि सना ठीक असाल.' सिद्धार्थच्या मृत्यूनंतर चाहत्यांना शहनाजच्या तब्येतीची काळजी सतावते आहे. नेटकरी वारंवार शहनाजच्या तब्येतीची चौकशी करत आहेत.
from Marathi Bollywood News, Marathi Cinema News https://ift.tt/3zom6RA
