मुंबई : पुरोगामी असल्याचा अभिमान मिरवणा-या महाराष्ट्रााला काळीमा फासणारी घटना घडली. ऐन गणेशोत्सवामध्ये मुंबईथील साकीनाका येथे एका महिलेवर पाशवी बलात्कार करण्यात. बलात्कार करणा-या आरोपी मोहन चौहानने आपले इप्सित साध्य झाल्यानंतर अत्यंत निघृणपणे महिलेच्या गुप्तांगात रॉड घुसवला होता. दोन दिवस मृत्यूशी झुंज देऊन ही निर्भया कायमची शांत झाली. मन सुन्न करणारी घटना समोर आल्यानंतर समाजातील विविध स्तरांतून संतप्त प्रतिक्रिया उमटू लागल्या आहेत. आरोपी मोहन चौहानला कठोर शिक्षा करण्यात यावी अशी मागणी होऊ लागली आहे. या पार्श्वभूमीवर अभिनेत्री हिने देखील तिच्या भावना व्यक्त केल्या आहेत. काय लिहिले आहे हेमांगीने समाजात घडणा-या विविध घटनांवर, गोष्टींवर अभिनेत्री हेमांगी कवी वेळोवेळी तिची मते सोशल मीडियावर व्यक्त करत असते. अनेकदा तिची मते ही परखड असल्यामुळे त्यावरून वादंग देखील निर्माण होतात. अर्थात या वादांना घाबरून हेमांगी तिची मते व्यक्त करणे सोडत नाही. आता देखील साकीनाका येथे घडलेल्या या अमानुष घटनेवर हेमांगीने उपहासात्मक अशी पोस्ट लिहिली आहे. तिच्या या पोस्टवरून अनेकांनी तिला पाठिंबा दिला आहे तर काहींनी तिच्या या पोस्टवर आक्षेपही घेतला आहे... हेमांगीने फेसबुकवर एक पोस्ट करत तिची मते ठामपणे मांडली आहेत. तिने लिहिले आहे, 'आणखी एक! तिचीच चूक असणार! तिचे कपडे चुकले असतील! एवढ्या रात्री ती काय करत होती? एकटी होती की कुणासोबत होती? तिची जात काय, धर्म काय, कुठे काम करत होती? किती कमवत होती? लग्न झालेली होती, अविवाहित होती, घटस्फोटीत होती, मुलंबाळं किती? ती मुंबईची की आणखी कुठली! सगळं सगळं तिचचं चुकलं असणार!चला आता आपण तिलाच आणखीन घाबरवून ठेऊ या ! बाकी त्याला कसलंच बंधन नको, सगळी सूट देऊ या! काय?' अशी उपरोधात्मक पोस्ट लिहित हेमांगीने संताप व्यक्त केला आहे.
from Marathi Bollywood News, Marathi Cinema News https://ift.tt/3964K0Y
