मुंबई : '' च्या ग्रँड फिनालेला आता काही दिवसच उरले आहेत. १८ सप्टेंबर रोजी बिग बॉस ओटीटीचा ग्रँड फिनाले होणार असून त्यामध्ये विजेत्याची घोषणा केली जाणार आहे. त्याआधी स्पर्धकांचा उत्साह वाढवण्यासाठी त्यांच्या घरच्यांना बिग बॉसच्या घरात बोलावण्यात आले आहे. यासाठी बिग बॉसने 'फ्रीज आणि रिलीज' हा टास्क ठेवला होता. त्यामध्ये सर्व स्पर्धकांच्या घरातल्यांना बिग बॉसच्या घरात येण्याआधी फ्रिज केले जाते आणि त्यानंतर त्यांना रिलीज केले जाते. या टास्कमध्ये शमिता शेट्टीची आई सुनंदा शेट्टी सहभागी झाल्या होत्या. घरात प्रवेश केल्यानंतर सुनंदा यांनी सर्वप्रथम या खेळातील सर्व स्पर्धकांचे भरभरून कौतुक केले. त्यानंतर त्या राकेश बापटच्या जवळ गेल्या आणि त्याची चौकशी केली. यावेळी त्यांनी राकेशला सांगितले की, बाहेर सोशल मीडियावर तुमच्या दोघांच्या जोडीचीच चर्चा आहे. सुनंदा शेट्टी यांनी राकेशला दिला सल्ला शमिताच्या आईने राकेशला यावेळी एक सल्ला दिला. त्यांनी सांगितले की, 'तू जसा आहेस, तसाच रहा, दुस-यांसाठी स्वतःच्या स्वभावामध्ये बदल करू नकोस...तसेच या स्पर्धेत खेळतानाही समोरच्यासाठी तुझा स्वभाव बदलू नकोस. या स्पर्धेत टिकून राहण्यासाठी तुला आरडाओरडा करण्याची काहीच गरज नाही..' शमिताने आईला राकेशबद्दल विचारले त्यानंतर शमिताने तिच्या आईला सुनंदा यांना राकेश गोड आहे ना, असा प्रश्न विचारला. त्यावर तिच्या आईने उत्तर दिले की, हो तो खूच गोड आहे आणि सज्जनही आहे. त्यानंतर शमिताने तिच्या आईला विचारले की, 'मी हुकूमशहा (बॉसी) वाटते का? कारण मला घरात सगळेजण बॉसी म्हणतात.' त्यावर शमिताच्या आई म्हणाली की, ' बॉसी? कोणत्या दृष्टीने. तुझ्या डोक्यावर तर सोन्याची शिंग नाहीत. तू देखील इतर स्पर्धकांसारखीच एक साधी मुलगी आहे. त्यामुळे दुस-यांसाठी तुला स्वतःमध्ये बदल घडवण्याची अजिबात गरज नाही...' शिल्पाबद्दल सुनंदा यांनी सांगितले त्यानंतर शमिताने आईला तिची बहिण शिल्पाबद्दल विचारले. काही महिन्यांपूर्वी शिल्पाच्या नव-याला राज कुंद्राला पोर्नोग्राफी प्रकरणी अटक करण्यात आली आहे. तेव्हापासून राज तुरुंगातच आहे. या घटनेनंतर शिल्पा खूपच दुःखी झाली असून ती सर्वांपासून लांब गेली आहे. काही दिवसांपासून शिल्पाने पुन्हा तिच्या कामाला सुरुवात केली आहे. तसेच तिने घरी गणपतीची प्रतिष्ठापनाही केली आहे. शिल्पाबद्दल सुनंदा यांनी पुढे सांगितले की, 'आता ती यातून सावरली आहे. घरातील वातावरण हळूहळू पूर्वपदावर येत आहे. शिल्पाला तुझी खूप आठवण येते आहे. तुला ज्या अंतःप्रेरणा मिळतात त्या बरोबर असतात. आम्हा सगळ्यांना तुझी खूप आठवण येते आहे. मी रडणार नाही आणि तुला देखील कणखर व्हायचे आहे. मी देखील कणखर आहे आणि तुलाही तसेच व्हायचे आहे. आपल्या घरात तीन कणखर महिला आहेत...'
from Marathi Bollywood News, Marathi Cinema News https://ift.tt/3hvCnhz
