मुंबई : बॉलिवूड अभिनेत्री दिया मिर्झाने पहिल्यांदाच सोशल मीडियावर तिच्या मुलाचे अव्यानचे फोटो शेअर केले आहेत. दिया आणि वैभव रेखीला १४ जुलै रोजी मुलगा झाला. दियाच्या मुलाला पाहण्याची तिच्या चाहत्यांना खूपच उत्सुकता होती. अखेर दियाने तिच्या लेकाचे अव्यान आझाद रेखीचे फोटो शेअर केले आहेत. दियाने शेअर केला ब्लॅक अँड व्हाईट स्केच फोटो दियाने तिच्या इन्स्टाग्रामवरून तिचा आणि मुलाचा ब्लॅक अँड व्हाईट स्केच फोटो पोस्ट केला आहे. या फोटोमध्ये दियाने तिच्या लेकाला कडेवर घेतलेले दिसत आहे. फोटोत दियाने मॅक्सी घातलेली दिसत आहे. अव्यान देखील खूप सुंदर दिसत आहे. हा फोटो शेअर करत दियाने भावूक पोस्ट लिहिली आहे. दियाने लिहिले की,'आमची गोष्ट आता सुरू झाली आहे अव्यान...' दियाने तिच्या लेकावर अव्यानवर उपचार करणारे डॉक्टर, नर्स आणि इस्पितळातील सर्व कर्मचारी वर्गाचे आभार मानले. दियाच्या मुलाचा अव्यानचा जन्म १४ जुलै रोजी जन्म झाला. अव्यान प्रीमॅच्युअर होता. त्यामुळे चार महिने अव्यान इस्पितळात होता. या काळात त्याची सर्वांनी खूप छान काळजी घेतल्याबद्दल दियाने या पोस्टमधून सर्वांचे मनापासून आभार मानले. दियाने फेब्रुवारीमध्ये केले होते लग्न दिया मिर्झाने वैभव रेखीसोबत फेब्रुवारी २०२१ मध्ये लग्न केले होते. वैभव आणि दिया या दोघांचेही हे दुसरे लग्न आहे. हैदराबाद येथे या दोघांचे दणक्यात लग्न झाले होते. वैभवला समायरा नावाची मुलगी आहे. दिया आणि समायराचे खूप छान बाँडिंग आहे. वैभवबरोबर लग्न झाल्यानंतर दोन महिन्यांनीच दियाने ती प्रेग्नंट असल्याची माहिती सोशल मीडियावरून जाहीर केली होती. त्यावरून तिला खूप ट्रोलही करण्यात आले होते. सध्या दिया तिच्या लेकासोबत खूप छान वेळ घालवत आहे.
from Marathi Bollywood News, Marathi Cinema News https://ift.tt/2XsjxAy
