मुंबई: बिग बॉस ओटीटीचा ग्रँड फिनाले आज शनिवारी होत आहे. ग्रँड फिनालेसाठी सहभागी स्पर्धकही सज्ज झाले आहेत. ते देखील त्यांच्या परीने प्रेक्षकांच्या मनोरंजन करण्यासाठी सिद्ध झाले आहेत. गेल्या आठवड्यापासून हा कार्यक्रम दिवसागणिक उत्कंठावर्धक होत चालला आहे. कार्यक्रमातील या पर्वामधील स्पर्धकांचे एकमेकांसोबतचे नाते सातत्याने बदलत चालली आहेत. हा कार्यक्रम जेव्हा सुरू झाला तेव्हा आणि राकेश बापटची जोडी जमली. ही जोडी प्रेक्षकांनाही आवडली. दिवसागणिक या दोघांमधील जवळीक वाढू लागली. ही जवळीक प्रेक्षकांनाही पसंत पडली. अर्थात या कार्यक्रमामध्ये या दोघांमध्ये अनेकदा भांडणे ही झाली. परंतु त्या भांडणानंतरही त्यांच्यातील जवळीक वाढत चालली होती. कार्यक्रमाच्या एका भागामध्ये या दोन्ही कलाकारांनी आपापल्या मनातील भावना व्यक्त केल्या. त्यामुळे हे दोघे एकमेकांशी रिलेशनमध्ये आहेत,हे सर्वांनाच समजले. दरम्यान, सोशल मीडियावर दोघांचा एक व्हिडिओ व्हायरल होत आहे. यामध्ये राकेश शमिताला आय लव्ह यू म्हणताना दिसत आहे. या व्हिडिओमध्ये शमिता राकेशला त्याच्याबद्दल काही चांगल्या गोष्टी सांगायला सांगते. त्यावर राकेश काही वेळ विचार करतो आणि म्हणतो 'जे टाएम' (Je t'aime) हा एक फ्रेंच शब्द आहे. त्याचा अर्थ आय लव्ह यू असा होतो. राकेशचे हे शब्द ऐकून शमिता लाजून हसते. हा व्हिडिओ एका चाहत्याने ट्विटरवर शेअर केला आहे. सोशल मीडियावर हा व्हिडिओ खूपच व्हायरल झाला आहे. तर नुकत्याच झालेल्या बिग बॉस ओटीटीच्या भागामध्ये बिग बॉसने एका व्हिडिओद्वारे प्रत्येक स्पर्धकाला या घरातील त्यांच्या कडू-गोड आठवणी दाखल्या, हा व्हिडिओ पाहून अनेकांच्या चेहऱ्यावर हसू पसरले तर काहींच्या डोळ्यांत पाणी आले. हा व्हिडिओ पूर्ण झाल्यानंतर स्पर्धकांना त्या आठवणींशी संबंधित फोटो दाखवण्यात आले. त्यामधील स्पर्धकांना एक फोटो काढून टाकायला आणि एक कायमस्वरुपी स्वतःजवळ ठेवायला सांगण्यात आले. बिग बॉस ओटीटीमध्ये नेहा भसीनचे एलिमिनेशन झाल्यानंतर आता ग्रँड फिनालेमध्ये पाच स्पर्धक राहिले आहेत. त्यामध्ये , शमिता शेट्टी, प्रतीक सहजपाल, दिव्या अग्रवाल, निशांत भट्ट यांचा समावेश आहे. बिग बॉस ओटीटीचा ग्रँड फिनाले १८ सप्टेंबर रोजी संध्याकाळी ७ वाजता सुरू होणार आहे.
from Marathi Bollywood News, Marathi Cinema News https://ift.tt/3lEllyH
