बहुप्रतीक्षित मेडिकल ड्रामा '' आज अमेजॉन प्राइम विडियोवर प्रसारित होत असल्याने आता प्रतीक्षा संपली आहे. मनोरंजक कथानकाने भरलेल्या ह्या सीरिजची सुरुवात एका सरकारी रुग्णालयात होते आणि २६/११च्या हल्ल्यांच्या पार्श्वभूमीवर तयार होते. हा शो डॉक्टर, नर्स, वॉर्डबॉय इत्यादी प्रथम वैद्यकीय प्रतिसादकर्त्यांची काल्पनिक कथा सांगतो, ज्यामध्ये त्या रात्री त्यांचे फक्त एकच काम होते ते म्हणजे 'लोकांचे जीव वाचवणे'. या शोची प्रेक्षकांकडून आतुरतेने वाट पाहिली जात आहे आणि त्याची घोषणा झाल्यापासूनच समीक्षकांच्या याला टाळ्या मिळू लागल्या आहेत. सीरिजच्या वर्ल्ड प्रीमियरच्या निमित्ताने, आम्ही सीरिजचे कलाकार, निर्माता आणि दिग्दर्शकाला 'मुंबई डायरीज २६/११' पाहणे का आवश्यक आहे याची कारणे विचारली. त्यांनी ही प्रमुख कारणे येथे सांगितली आहेत. शैली-परिभाषित : ही सीरिज मेडिकल ड्रामा ह्या प्रकारात मोडते आणि ती तिथेच त्याभोवती फिरत राहते. ही यापूर्वी भारतात बनलेल्या कोणत्याही सीरिजपेक्षा वेगळी आहे. शासकीय रुग्णालयाच्या आपातकालीन कक्षात सेट केलेले, हे त्यांच्या अग्रगण्य योद्ध्यांची कथा सांगते जे त्यांच्या समस्यांशी लढताना विलक्षण परिस्थितीचा सामना करतात. कास्ट आणि परफॉर्मन्स : डायरीज २६/११'मध्ये पॉवरहाऊस अभिनेता मोहित रैना आणि कोंकणा सेन शर्मा यांच्या नेतृत्वाखालील अनेक तारांकित कलाकार आहेत. प्रशिक्षणार्थी डॉक्टरांची भूमिका साकारणाऱ्या सत्यजीत दुबे, आणि नताशा भारद्वाज यांच्यासह श्रेया धन्वंतरी, टीना देसाई, प्रकाश बेलावाडी हे कलाकार सहाय्यक भूमिकेत आहेत. दिग्दर्शन : निखिल अडवाणी वास्तविकतेत रुजलेल्या कठोर कथा सांगण्यात अनोळखी नाहीत आणि 'मुंबई डायरीज २६/११'यापेक्षा वेगळी नाही! रील आणि रियलचा योग्य मिलाप घडवून आणणे हा निखिल अडवाणीचा ट्रेडमार्क आहे आणि जर दिग्दर्शकांचे भूतकाळातील चित्रपट विचारात घेतले गेले, तर 'मुंबई डायरीज २६/११' ही एक रोमांचक यात्रा असेल हे निश्चित! २६/११ पूर्वी कधीही या दृष्टीकोनातून न पाहिलेला : २६ नोव्हेंबर २००८च्या दुःखद घटनांवर बनवलेले चित्रपट आणि शो आम्ही पाहिले असले, तरी डॉक्टर आणि फ्रंटलाईन योद्ध्यांच्या दृष्टीकोनातून काहीही बनविले गेलेले नाही. हा दृष्टीकोन नुसताच उत्साहवर्धक नसून तो लोकांना आवडणारा व त्यांच्याद्वारे चर्चिला जाणारादेखील आहे, ज्यामुळे तो अतिशय मनोरंजक बनतो! निखिल आडवाणी आणि निखिल गोन्साल्विस दिग्दर्शित ही सीरिज सरकारी रुग्णालयात घडणाऱ्या घटना आणि अशा मोठ्या संकटाला सामोरे जाताना वैद्यकीय कर्मचाऱ्यांबरोबरच शहरभरातील इतर प्रथम प्रतिसादकर्त्यांसमोरील आव्हानांचा लेखाजोखा आहे.
from Marathi Bollywood News, Marathi Cinema News https://ift.tt/3l6K0Mn
