नवी दिल्ली : Realme तर्फे नुकतेच आगामी 5G Realme 8s 5G लाँचची घोषणा करण्यात आली आहे. हा फोन ९ सप्टेंबर रोजी लाँच करण्यात येणार असून Realme 8 सीरीजचा नवीन स्मार्टफोन Realme 8i देखील त्याच दिवशी लाँच केला जाईल. Realme चे हे दोन्ही स्मार्टफोन ९ सप्टेंबर रोजी दुपारी १२ वाजता बाजारात दाखल होतील. वाचा: लाँचपूर्वीच स्मार्टफोनचे काही डिटेल्स समोर आले आहे. त्यानुसार Realme 8s 5G स्मार्टफोनमध्ये ७,१०० mAh ची मेगा बॅटरी दिली जाईल. तसेच, ही मेगा बॅटरी चार्ज करण्यासाठी १८ W फास्ट चार्जर ही यात देण्यात येईल. कंपनीचा दावा आहे की, फोन १२ तासांपर्यंत व्हिडिओ पाहण्यास सक्षम असेल. सोबतच ६५ दिवसांचा बॅटरी बॅकअप देखील यात दिला जाईल. Realme 8s 5G : वैशिष्ट्ये Realme 8s 5G स्मार्टफोन Realme चा पहिला स्मार्टफोन असेल, ज्यामध्ये MediaTek Dimensity ८१० 5G प्रोसेसर वापरण्यात आला आहे. फोनमध्ये ६.५ इंचाचा डिस्प्ले असून त्याचा रीफ्रेश रेट ९० Hz आहे. फोनमध्ये MediaTek Dimensity ८१० SoC प्रोसेसरला सपोर्ट आहे. तसेच फोनमध्ये ६ GB आणि ८ GB रॅम सपोर्ट आहे. याशिवाय यात 5GB व्हर्च्युअल रॅम, Android ११ ऑपरेटिंग सिस्टमसह Realme UI 2.0 कस्टम स्किन सपोर्ट आहे. Realme 8i : वैशिष्ट्ये Realme 8i स्मार्टफोनमध्ये ६.५९ इंच FHD + डिस्प्ले दिला जाऊ शकतो. फोन १२० Hz रिफ्रेश रेट सपोर्टसह येईल. फोनची जाडी ८.६ मिमी आणि वजन १९४ ग्रॅम असेल. Realme 8i स्मार्टफोन मीडियाटेक हेलियो G९६ प्रोसेसर असलेला जगातील पहिला स्मार्टफोन असेल, जो १२० Hz अल्ट्रा स्मूथ डिस्प्ले सपोर्टसह येईल. हा फोन फोन डायनॅमिक रॅम विस्तार तंत्रज्ञानासह येईल. यामध्ये गेमर्सना उत्तम गेमिंगचा अनुभव मिळेल. Realme 8i स्मार्टफोनमध्ये ट्रिपल कॅमेरा सेटअप देखील दिला जाऊ शकतो. त्याचा मुख्य कॅमेरा ५० MP चा असेल. याशिवाय, २ एमपी पोर्ट्रेट कॅमेरा, २ एमपी मॅक्रो लेन्स सपोर्ट करता येईल. सेल्फीसाठी फोनमध्ये १६ एमपी कॅमेरा दिला जाऊ शकतो. तसेच यात देखील ५००० mAh ची मजबूत बॅटरी देण्यात येईल. वाचा: वाचा: वाचा:
from Gadget News in Marathi: Computer, Mobile, Auto News in Marathi | Maharashtra Times https://ift.tt/3n9jrZu