मुंबई : गेल्या काही महिन्यांपासून बॉलिवूडमध्ये अभिनेत्री आणि टेनिस प्लेअर यांच्या अफेअरची जोरदार चर्चा आहे. या दोघांनीही त्यावर काहीही प्रतिक्रिया व्यक्त केलेली नाही. परंतु ते आता आपले नाते जगजाहीर करू इच्छित आहेत. कारण किमने अलिकडेच एक रोमँटिक फोटो शेअर करत त्यांच्या नात्यावर सूचक भाष्य केले आहे. किमने शेअर केला रोमँटिक फोटो किमने तिच्या इन्स्टाग्राम अकाउंटवरून एक फोटो शेअर केला आहे. या फोटोमध्ये ती आणि लिअँडर एकत्र दिसत आहेत. लिअँडर तिच्याकडे मोठ्या प्रेमाने बघताना दिसत आहे. तर किम कॅमेऱ्याकडे बघून पोझ देते आहे. किमने शेअर केलेला हा फोटो किम आणि लिअँडरच्या चाहत्यांना खूपच आवडला. किमने हा फोटो शेअर करताना काहीही लिहिलेले नाही. फक्त मुलगा आणि मुलीमधील प्रेमाचे इमोजी पोस्ट केले आहेत. याआधी लिअँडर आणि किमने गोव्यामध्ये एकत्र सुट्टी घालवली होती. त्याचे फोटो सोशल मीडियावर खूपच व्हायरल झाले होते. याही फोटोंमध्ये त्या दोघांचा रोमँटिक अंदाज दिसून येत होता. या दोघांच्या फोटोंवर चाहते भरभरून लाईक आणि कमेन्ट करत आहेत. एका युझरने तर त्यांच्या जोडीचे भरभरून कौतुक केले आहे. अन्य एकाने तर 'रब ने बना दी जोडी' अशी कमेन्ट केली आहे. दरम्यान, किम शर्मा काही वर्षांपूर्वी हर्षवर्धन राणेसोबत रिलेशनमध्ये होती. त्यांची जोडीही चाहत्यांना आवडली होती. या दोघांचे नाते काही वर्षे टिकले. परंतु काही कारणामुळे हे दोघेजण वेगळे झाले. त्यांचे ब्रेकअप नेमके कशामुळे झाले याचे नेमके कारण समोर आलेले नाही. किम शर्मा कायमच तिच्या रिलेशनशिपमुळे चर्चेत असते. २००३ मध्ये किम आणि युवराज सिंग यांच्यात अफेअर असल्याची बातमी समोर आली होती. या दोघांचे अफेअर चार वर्ष सुरू होते. परंतु नंतर या दोघांमध्ये दुरावा निर्माण झाला आणि २००७ मध्ये त्यांचे नाते संपुष्टात आले. त्यानंतर किमने २०१० मध्ये उद्योगपती अली पुंजानीशी लग्न केले आणि ती मुंबई सोडून केनियाला गेली. त्यानंतर काही वर्षांनी तिच्या नवऱ्याच्या आयुष्यात दुसरी मुलगी आली. त्यामुळे त्यांचा घटस्फोट झाला. आता किम लिअँडरसोबत रिलेशनमध्ये आहे. हे दोघे एकमेकांसोबत आनंदी दिसत आहेत. आता हे दोघे लग्नबंधनात कधी अडकतात याकडे सर्वांचे लक्ष लागले आहे. तर टेनिसपटू असलेला लिअँडर पेसही याआधी संजय दत्तची दुसरी पत्नी आणि मॉडेल रिया पिल्लईसोबत लिव इन रिलेशनशिपमध्ये होता. त्यांना एक मुलगी देखील आहे. किम शर्मा सिनेमात फारशी चमकली नसली तरी खासगी आयुष्यामुळे ती कायमच चर्चेत असते. किम तिच्या सोशल मीडिया अकाऊंटवरून ग्लॅमरस अंदाजातील फोटोही पोस्ट करत असते.
from Marathi Bollywood News, Marathi Cinema News https://ift.tt/3zRUPIi