मुंबई : अभिनेत्री शिल्पा शेट्टीचा नवरा आणि उद्योगपती राज कुंद्रा याला पॉर्नोग्राफी प्रकरणी अटक झाली. या पार्श्वभूमीवर दरवर्षी शिल्पाच्या घरी दणक्यात साजरा होणारा गणेशोत्सव यंदा कसा साजरा केला जाणार, याबाबत सर्वांच्या मनात प्रश्न निर्माण झाला होता. परंतु स्वतः बुधवारी गणपतीची मूर्ती आणण्यासाठी गेल्याचा व्हिडिओ सोशल मीडियावर आला. त्यामुळे शिल्पाच्या घरी गणेशोत्सव साजरा केला जाणार हे नक्की झाले आहे. शिल्पा जेव्हा गणपतीची मूर्ती आणण्यासाठी आली तेव्हा फोटोग्राफर्सची गर्दी झाली होती. गणपतीची मूर्ती घरी घेऊन जाताना शिल्पाच्या चेह-यावर आनंद, उत्साह दिसत होता. शिल्पाच्या घरी दरवर्षी गणपती उत्सव मोठ्या उत्साहात साजरा केला जातो. या दिवसांमध्ये तिच्या घरी पूजापाठ आयोजित केले जातात. शिल्पाने यंदा लालबागच्या राजाचा प्रतिकृती असलेली गणपतीची मूर्ती घेतली आहे. दरम्यान, शिल्पाने तिच्या सोशल मीडिया अकाउंटवरून तिच्या घरच्या गणपतीचे फोटो शेअर केलेले नाहीत. परंतु सोशल मीडियावर मात्र ती घरी गणपती घेऊन जातानाचे काही फोटो आणि व्हिडिओ शेअर करण्यात आले आहेत. या फोटोंमधून आणि व्हिडिओंमधून शिल्पा जेव्हा गणपतीची मूर्ती घेण्यासाठी पोहोचली तेव्हा खूपच गर्दी झालेली दिसत आहे. दरवर्षी शिल्पा वाजत गाजत, डान्स करत गणपतीची मूर्ती घरी घेऊन जायची. अनेकदा तिचा मुलगा तिच्यासोबत असायचा. परंतु यावेळी मात्र गणपतीची मूर्ती घेण्यासाठी शिल्पा शेट्टी एकटीच आलेली दिसली.
from Marathi Bollywood News, Marathi Cinema News https://ift.tt/3DUM0zT