मुंबई- छोट्या पडद्यावरील लोकप्रिय कार्यक्रम '' सोशल मीडियावर चर्चेत आहे. घरात आलेल्या वाइल्ड कार्ड सदस्यामुळे घरातील समीकरणं बदलली आहेत. या अभिनेत्याने नुकतीच बिग बॉसच्या घरात एण्ट्री केली. परंतु, घरात आल्यापासूनच आदिशने सगळी सूत्र आपल्या हातात घेतल्याने इतर सदस्य नाराज आहेत. त्यातही सध्या घरात दोन गट पडलेले आहेत. आदिशने दुसऱ्या गटाची निवड केली. आदिश स्वतंत्र खेळात असला तरीही आदिशच्या येण्याने टीम बी मजबूत झाली. याची जाणीव झाल्याने टीम ए च्या सदस्यांचा तिळपापड झाला. त्यामुळे सध्या टीम बी मधील सदस्यांना आदिश पासून दूर करू पाहत आहे. घरात सध्या बिग बॉसने दिलेला टास्क सुरू आहे. त्यात प्रत्येक सदस्याला इतरांची मतं मागायची आहेत. विशाल टास्क छान खेळल्याने बहुतेक सदस्यांची मतं त्याच्याकडे आहेत. परंतु, विकासला देखील मतं मिळवायची असल्याने तो टीम ए च्या सदस्यांकडे मत मागण्यासाठी जातो. त्यावेळेस उत्कर्ष विकासला आदिशविरुद्ध भडकवण्याचा प्रयत्न करताना दिसतोय. उत्कर्ष विकासला म्हणतो, 'आम्ही तुला मत देऊ. सगळे देऊ पण त्यांची मतं आम्हाला मिळतील याची खात्री काय. तिथे तो (आदिश) विशालचा वापर करून घेतोय. स्वतःची सत्ता आणण्यासाठी तो त्याचा वापर करून घेतोय. विशालचा फक्त चेहरा आहे मागे तो आहे. तो दाखवतोय विशालला पण तो त्याचा वापर करून फेकून देणार. विशालला वाटतंय मला काय मी कॅप्टन होणार. तो फक्त बोलतोय विशाल भोळा आहे. उद्या तो मीनलला वापरेल. फायदा काय?' असं म्हणत उत्कर्ष विकासच्या मनात आदिशबद्दल गैरसमज निर्माण करण्याचा प्रयत्न करताना दिसतोय. त्यात टीम ए चे सगळे सदस्य त्याची बाजू घेताना दिसतायत. ते उत्कर्षला दुजोरा देताना दिसतायत. आता अधिक मतं मिळून कॅप्टन कोण होणार हे येत्या भागात कळेलच. पण टीम ए ने आदिशला जोरदार विरोध करायचं ठरवल्याने यापुढे आदिश कसा खेळणार हे पाहण्यासाठी प्रेक्षक उत्साहीत आहेत.
from Marathi Bollywood News, Marathi Cinema News https://ift.tt/3mVhRbO
