मुंबई : सुपरस्टार चा मुलगा याला नार्कोटिक्स कंट्रोल ब्युरो अर्थात एनसीबीने ३ ऑक्टोबर रोजी गोव्याकडे जाणाऱ्या क्रुझवरील ड्रग्ज पार्टीतून अटक केली होती. त्यानंतर आर्यनला न्यायालयीन कोठडी देण्यात आल्यामुळे सध्या त्याचा मुक्काम आर्थर कारागृहात आहे. किला कोर्टामध्ये झालेल्या सुनावणीवेळी आर्यन आणि त्याच्या इतर साथीदारांना न्यायालयीन कोठडीत ठेवण्याचे आदेश दिले आहेत. त्याआधी आर्यनच्या जामीन अर्जावर किमान पाचवेळा सुनावणनी झाली असून अद्याप त्याला दिलासा मिळालेला नाही. दरम्यान, आज पुन्हा त्याच्या जामीन अर्जावर सुनावणी होणार आहे. अतिशय लाडाकोडात आणि ऐश्वर्यात जीवन जगलेल्या आर्यनचा सध्याचा मुक्काम आर्थर रोड कारागृहात आहे. तिथे त्याला इतर कैद्यांप्रमाणेच वागणूक दिली जात आहे. तिथलेच जेवण- पाणी त्याला दिले जात आहे. परंतु हे जेवण आर्यनला अजिबात आवडत नसल्याने तो गेल्या काही दिवसांत जेवलेला नसल्याची माहिती टाइम्स ऑफ इंडियाच्या सुत्रांनी दिली. आर्यन जेवणाऐवजी केवळ बिस्कीटं खाऊन आणि बाहेरून विकत घेतलेले पाणी यांच्यावरच गुजराण करत असल्याची माहिती या सूत्रांनी दिली. आर्यनने कारागृहात जाण्याआधी पाण्याच्या १२ बाटल्या विकत घेतल्या होत्या. त्यातील काही पाणी अद्याप त्याच्याजवळ आहे. त्यातलेच पाणी तो पुरवून पुरवून वापरत आहे. बिस्किट खाऊन काढतोय दिवस सुत्रांनी दिलेल्या माहितीनुसार ड्रग्ज प्रकरणामध्ये आर्यनबरोबर अटक करण्यात आलेले त्याचे इतर साथीदारही कारागृहातील जेवण जेवत नाहीत. न्यायालयाने आर्यनला घरातील जेवणाची परवानगी नाकारली असल्याने त्याला कारागृहातील कँटिनमधलेच जेवण जेवावे लागणार आहे. आर्थर रोड कारागृहात सकाळी नाश्त्याला पोहे-शिरा दिला जातो. तर दुपार आणि रात्रीच्या जेवणाला डाळ, भात, पोळी आणि भाजी दिली जाते. परंतु आर्यनला हे जेवण आवडलेले नाही. त्यामुळे तो कँटिनमधून बिस्किटे घेऊन खात आहे. कारागृहातील अधिकाऱ्यांनी त्याला अनेकदा जेवणाचा आग्रह करूनही त्याने जेवणाला हातही लावलेला नाही. शाहरुख आणि गौरीची अवस्था ही बिकट कारागृहात असलेल्या आर्यनची अशी अवस्था आहे तर दुसरीकडे शाहरुख आणि गौरीची अवस्था देखील बिकट आहे. त्या दोघांना सतत आर्यनची काळजी असल्याने रात्र रात्र त्यांना झोप लागत नाही. दिवसभर ते एनसीबीच्या अधिकाऱ्यांना फोन करून आर्यनच्या प्रकृतीची सातत्याने विचारणा करत आहेत. शाहरुखच्या निकटच्या एका व्यक्तीने दिलेल्या माहितीनुसार मुलाला अटक झाल्यादिवसापासून शाहरुख आणि गौरीची झोप उडाली आहे. या दोघांनाही त्यांच्या मुलाची काळजी वाटत आहे. कारागृहात असलेल्या आर्यनसाठी त्यांनी खाणे आणि काही सामान पाठवले होते परंतु न्यायालयाच्या आदेशामुळे ते स्वीकारण्यास कारागृह प्रशासनाने नकार दिला.
from Marathi Bollywood News, Marathi Cinema News https://ift.tt/3AAIkjH
