मुंबई : प्रसिद्ध अभिनेत्री ही त्या अभिनेत्रींपैकी एक आहे, ज्यांच्यावर आजही कोट्यवधी चाहते आपला जीव ओवाळून टाकतात. पण असं असलं तरी हे ऐकून तुम्हाला आश्चर्य वाटेल की, माधुरीने ज्यांच्याशी लग्न केले त्यांना तिच्या प्रसिद्धीविषयी ठावूकच नव्हते. काल (१७ ऑक्टोबर) माधुरी आणि श्रीराम यांच्या लग्नाचा वाढदिवस होता. त्या निमित्ताने त्यांच्या लग्नाचा मजेदार किस्सा समोर आला. माधुरीच्या लग्नामध्ये स्टार कलाकारांची मोठ्या संख्येने रेलचेल असतानाही या गर्दीत तिच्या पतीला कोणालाही ओळखता आले नव्हते. माधुरीने १७ ऑक्टोबर १९९९ रोजी डॉक्टर श्रीराम नेने यांच्याशी विवाह केला. चाहत्यांना जेव्हा ही बातमी कळली तेव्हा कोट्यवधी चाहत्यांचे हृदय क्षणभरात तुटले होते. नुकतीच दोघांच्या लग्नाला २२ वर्ष पूर्ण झाली. या निमित्ताने माधुरीच्या लग्नातील एक गमतीदार प्रसंग आज आम्ही तुम्हाला सांगत आहोत. माधुरीने स्वतःच एका मुलाखतीमध्ये हा प्रसंग सांगितला होता. तुम्हाला वाचून आश्चर्य वाटेल की, ज्या माधुरीला देशभरात ओळख आहे, अगदी लहान मुलांपासून ते थोरा-मोठ्यापर्यंत साऱ्यांनाच माधुरी दीक्षित कोण हे माहीत आहे, तिथे श्रीराम नेने पहिल्यांदा जेव्हा माधुरीला भेटले होते तेव्हा माधुरी एक स्टार सेलिब्रिटी आहे याबद्दल काहीही माहीत नव्हते. सिमी ग्रेवाल यांच्या शोमध्ये माधुरी प्रमुख पाहूणी म्हणून गेली होती. तेव्हा तिने लग्नाचा एक किस्सा सांगितला. तिने मुलाखतीमध्ये सांगितले होते की, नेने यांनी जास्त बॉलिवूड सिनेमे पाहिलेले नव्हते. 'मी आणि माझ्या सासूने त्यांना माझा एक सिनेमा दाखवण्याचा प्रयत्न केला होता, ज्यावर त्यांनी म्हटले होते की, आपण आणखी काही वेगळे करु शकत नाही का? चला बाहेर कुठे तरी जाऊ.. काहीतरी वेगळे करुया.' हे सांगताना माधुरी खूप हसली होती. रिसेप्शनमध्ये फक्त एकाच कलाकाराला ओळखले! माधुरीने हे देखील सांगितले होते की, त्यांच्या लग्नाच्या रिसेप्शनमध्ये श्रीराम नेने यांनी एकाही स्टार कलाकाराला ओळखले नव्हते. तिने सांगितले की, ते केवळ अमिताभ बच्चन यांचाच चेहरा ओळखू शकले होते. पती नेने यांनी बच्चन यांचा लहानपणी अमर अकबर अॅंथोनी सिनेमा पाहिला होता. माधुरीने सांगितले, अमिताभ यांचा चेहरा पाहून नेने यांनी तो चेहरा अगोदर कुठेतरी पाहिल्यासारखी प्रतिक्रिया दिली होती, त्यावर माधुरीने सांगितले की, होय, तुम्ही त्यांना ओळखता कारण तुम्ही त्यांचा सिनेमा पाहिला आहे. माधुरी व श्रीराम यांना आरिन व रयान अशी दोन मुले आहेत. आरिन याच वर्षी कॅलिफोर्नियाच्या कॉलेजमध्ये शिक्षणासाठी गेला आहे. तर रायन देखील सध्या १६ वर्षांचा आहे. माधुर दीक्षित सध्या 'फायंडिंग अनामिका'द्वारे नेटफ्लिक्सवर डेब्यू करण्याची तयारी करत आहे.
from Marathi Bollywood News, Marathi Cinema News https://ift.tt/3vpRiQ6
