मुंबई : अभिनेता आता ११ वर्षांच्या प्रदीर्घ काळानंतर सिनेमांत कमबॅक करण्यासाठी सज्ज झाला आहे. काही वर्षांपूर्वी स्थूल असलेला फरदीनचा लुक आता पूर्णपणे बदलून गेला आहे. या सिनेमासाठी फरदीनने त्याच्यामध्ये आश्चर्यकारक बदल घडवून आणले आहेत. फरदीनच्या बदललेल्या अंदाजातील फोटो सोशल मीडियावर व्हायरल झाले आहेत. त्याच्या जाडेपणावर टीका करणाऱ्यांची तोंडे फरदीनच्या या नवीन लुकमुळे बंद केली आहेत. लवकरच फरदीन 'विस्फोट' या सिनेमात काम करणार आहे. या सिनेमाची मुहूर्त पूजा गुरुवारी झाली, त्यामध्ये फरदीनही सहभागी झाला होता. या पूजेनंतर फरदीनने फोटोग्राफर्सना फोटोंसाठी अनेक पोझ दिल्या. पांढरा शर्ट आणि डेनिममध्ये फरदीन खूपच स्मार्ट दिसत होता. सोशल मीडियावर ट्रोल झाला होता फरदीन गेल्या काही वर्षांत फरदीनचे वजन खूपच वाढले होते. त्यामुळे त्याला सोशल मीडियावर खूपच ट्रोल करण्यात आले होते. आता फरदीनमध्ये झालेल्या बदलाचे फोटो पाहून त्याच्यावर टीका करणाऱ्यांची तोंडे बंद झाली आहेत. गेल्यावर्षी ई-टाइम्सला दिलेल्या मुलाखतीमध्ये फरदीनने त्याच्या फिजिकल ट्रांसफर्मेशनबद्दल सांगितले होते. अभिनेत्याने सांगितले की, त्याने सहा महिन्यांत १८ किलो वजन कमी केले. रितेश देशमुख, प्रिया बापटही दिसणार‘विस्फोट’ सिनेमात फरदीनसोबत मराठी चित्रपटसृष्टीतील दोन प्रसिद्ध चेहरे दिसणार आहेत. रितेश देशमुख आणि अभिनेत्री प्रिया बापट हे देखील या सिनेमात मुख्य भूमिकेत दिसणार आहेत. प्रियाने तिच्या इन्स्टाग्राम अकाउंटवर एक पोस्ट शेअर केली आहे. या पोस्टमध्ये प्रियाने चित्रपटाच्या संपूर्ण टीमसोबतचा फोटो शेअर केला आहे. ‘विस्फोट’ हा एक थ्रिलर चित्रपट आहे. दरम्यान, विस्फोट या चित्रपटातून फरदीन खान जवळपास ११ वर्षांनंतर बॉलिवू़डमध्ये कमबॅक करत आहे. यापूर्वी त्याने २०१० मध्ये प्रदर्शित झालेल्या ‘दुल्हा मिल गया’ सिनेमात काम केले होते. त्यानंतर तो चित्रपटसृष्टीपासून लांब गेला होता. आता हा चित्रपट फरदीनला बॉलिवूडमध्ये पुन्हा स्थान निर्माण करण्यात यशस्वी करणार का याची उत्सुकता लागली आहे.
from Marathi Bollywood News, Marathi Cinema News https://ift.tt/3FZFdpp
