मुंबई- आर्यन खान ड्रग प्रकरणात एनसीबीचे झोनल डायरेक्टर यांचं नाव चांगलंच गाजतंय. मात्र त्यासोबत त्यांची पत्नी असलेली मराठी अभिनेत्री हिला देखील सोशल मीडियावर नाहक त्रास सहन करावा लागत आहे. क्रांतीला यापूर्वीच अनेक युझर्सकडून धमक्या येत होत्या. त्यात एका वेबसाइटने तिचं नाव आयपीएलमधील मॅच फिक्सिंग प्रकरणात देऊन स्वतःचा फायदा करून घेण्याचा प्रयत्न केला आहे. परंतु, क्रांतीने ट्विट करत या वेबसाइटला सडेतोड उत्तर देत जाब विचारला आहे. क्रांतीने ट्विट करत लिहिलं, 'फक्त काही व्हिव्यू मिळवण्यासाठी तुम्ही जनतेची दिशाभूल करणारं शीर्षक एका बातमीला दिलं आहे, हे कशासाठी? माझी आणि समीर वानखेडे यांची प्रतिमा मलिन करण्यासाठी की फक्त पैशांसाठी? मी अगोदरच या खोट्या बातमीप्रकरणी कोर्टात खटला लढवला होता आणि ती केस मी जिंकली देखील होती. तुम्ही दिलेली बातमी मी पूर्ण वाचली आहे. त्यात तुम्ही माझ्याबाबत फक्त ओळखीचं प्रकरण असल्याचा मुद्दा उपस्थित केला.' ही अत्यंत चुकीची माहिती दिली आहे. मग तुम्ही हे असं शीर्षक देऊन काय साध्य करणार आहात.' पुढे क्रांतीने लिहिलं, 'यासर्व गोष्टींमुळे आम्हाला नाहक त्रास सहन करावा लागतोय. प्रत्येकजण बातम्या पूर्ण वाचत नाहीत केवळ ठळक शीर्षक देऊन वाचणाऱ्यांची दिशाभूल केली जात आहे. तुमच्या ह्या दिशाभूल करणाऱ्या लिखाणामुळे आणि निष्काळजीपणामुळे लोक मला ट्रोल करत आहेत. तुमच्या ह्या रंगवलेल्या बातम्या यापुढे अजिबात खपवून घेणार नाही. मी दोषी मुळीच नाही त्यामुळे आता मी हे सहन करणार नाही.’ आयपीएल फिक्सिंग प्रकरणी क्रांती रेडकरला काही वर्षांपूर्वी नाहक त्रास सहन करावा लागला होता. या प्रकरणी तिने केस देखील लढली होती. त्यात तिच्याबाजूने निकाल देण्यात आला होता. मात्र अशी बातमी आता मुद्दामहून कोणी रंगवून सांगण्याचा प्रयत्न कोणी केला तर त्याबाबत मी आता ऐकून घेणार नाही असं क्रांतीने स्पष्ट शब्दात सुनावलं आहे.
from Marathi Bollywood News, Marathi Cinema News https://ift.tt/3E9OBFi
