आमच्या सणांना बायका भुंडया कपाळाने सुतकी चेहरे करून फिरत नाहीत, मग जाहिरात अशी का?

मुंबई- लोकप्रिय लेखिका आण ब्लॉगर यांनी वर्तमानपत्रातली अभिनेत्री सोनाली कुलकर्णीची टिकली न लावलेली जाहिरात पाहिली आणि त्याचा विरोध केला. कारण होतं हिंदूंच्या परंपरांबद्दल दाखवले जाणारे खोटे समज. हिंदूंच्या कोणत्याही सणात विवाहित स्त्रिया असूदेत किंवा लहान मुली असुदे टिकली लावून सण साजरे करतात. परंतु, जाहिरातीत मॉडेलच्या कपाळावर टिकली नव्हती. तरीही ती दिवाळीसाठीच्या दागिन्यांची जाहिरात करत होती. त्यामुळे शेफाली यांनी आवाज उठवत ', ' हा हॅशटॅग सुरू केला आणि बघता बघता हा हॅशटॅग प्रचंड लोकप्रिय झाला. या हॅशटॅगद्वारे शेफाली यांनी हिंदूंच्या सणांच्यावेळी आपलं सामान खपवण्यासाठी ब्रॅण्ड ज्या मॉडेल्स दाखवतात त्यावर आक्षेप घेतला आहे. शेफाली यांनी पोस्ट करत लिहिलं, 'ओ फेमिनिस्ट, तुम्ही कुंकू लावा नाहीतर तुमच्या नेहमीच्या कळकट्ट पारोश्या घाणेरड्या अवतारात झिंज्या सोडून नाचा, तो तुमचा प्रश्न आहे. मी काही फतवा काढलेला नाहीये की सर्व बायकांनी बिंदी लावलीच पाहिजे. फतवा काढणारे लोक वेगळे असतात आणि तेव्हा तुम्ही ‘इट्स कल्चरल यु नो’ म्हणून बुरख्यापासून ते एफजीएमपर्यंत सगळ्याचं समर्थन करता. मी स्पष्टपणे ब्रॅंडसना सांगतेय की दिवाळीच्या प्रॉडक्टसची जाहिरात करताना लक्षात ठेवा की दिवाळी हा एक हिंदू सण आहे. हिंदूंचे पैसे पाहिजेत ना, मग हिंदू परंपरांचा, हिंदू रितीरिवाजांचा सन्मान करायला शिका. आमच्या सणामध्ये भुंड्या कपाळाच्या बायका सुतकी चेहेऱ्याने वावरत नाहीत, मग जाहिरातीत तरी असं का असावं? नो बिंदी नो बिजनेस हा हॅशटॅग सुरु करताना स्पष्ट म्हटलं होतं की हा माझ्यापुरता निर्णय आहे. माझे कष्टाचे पैसे आहेत, ते कशावर खर्च करायचे ते मी ठरवणार. हॅशटॅग ट्रेण्ड झाला तो इतर खूप लोकांना माझ्यासारखंच वाटत होतं म्हणून. मी फक्त त्या खदखदीला वाट करून दिली. आतापर्यंत हा हॅशटॅग फक्त ट्विटरवर जवळजवळ सात लाख लोकांनी बघितलाय.' पुढे त्यांनी लिहिलं, 'त्यातल्या अर्ध्या लोकांनी जरी हे खरोखर मनावर घेतलं तर ब्रॅण्डना झक्कत बदलावंच लागेल, आणि तिथेच तर वोक लिबरल लोकांची वाट लागलेली आहे. कारण त्यांना हे स्पष्ट दिसतंय. माझ्यावर जितकी वैयक्तिक चिखलफेक होते आहे तितकाच हा विचार जास्तीत जास्त लोकांपर्यंत पोचतोय आणि तेच तर मला अभिप्रेत आहे. एक पैसाही प्रमोशन वर न खर्च करता माझा विचार आज फेसबुक आणि ट्विटर मिळून दहा लाख लोकांपर्यंत पोचलाय, तुम्ही बसा माझ्या नावाने बोटं मोडत आणि आक्रस्ताळा थयथयाट करत!” शेफाली वैद्य यांनी स्पष्ट शब्दात अगोदरच सांगितलं होतं की हा त्यांचा वैयक्तिक निर्णय आहे. शेफाली यांच्या पोस्टला चाहत्यांचा प्रचंड पाठिंबा मिळतोय. त्यांचा विचार अनेकांना पटला आहे. तर काही जण शेफालींना विरोध करताना दिसतायत. मात्र शेफाली यांच्या या हॅशटॅगमुळे अनेक जाहिरातदारांनी त्यांच्या मॉडेल्सच्या कपाळावर टिकली फोटोशॉप करून लावली आहे.

from Marathi Bollywood News, Marathi Cinema News https://ift.tt/3EcEDTw