मुंबई- बॉलिवूडची लोकप्रिय अभिनेत्री हिला अंमलबजावणी संचालनालयातर्फे चौकशीसाठी नोटीस बजावण्यात आली आहे. नोराने आज अंमलबजावणी संचालनालयाच्या कार्यालयात हजेरी लावली आहे. नोराला मनी लॉन्ड्रिंग प्रकरणी १४ ऑक्टोबर रोजी कार्यालयात उपस्थित राहण्याचे आदेश देण्यात आले होते. यासोबतच लोकप्रिय अभिनेत्री हिलादेखील अंमलबजावणी संचालनालयातर्फे समन्स बजावण्यात आले आहेत. जॅकलिनला यापूर्वीही चौकशीसाठी बोलवण्यात आलं होतं. नोराला २०० कोटींच्या घोटाळ्याच्या चौकशीसाठी अंमलबजावणी संचालनालयाकडून समन्स बजावण्यात आले. सूत्रांनी दिलेल्या माहितीनुसार, हे प्रकरण दिल्लीतील तिहार तुरुंगात बंद असलेल्या सुकेश चंद्रशेखर याने केलेल्या २०० कोटींच्या घोट्याळ्याशी संबंधित आहे. सुकेशने याप्रकरणात नोराची देखील फसवणूक केली होती. त्यामुळे तिला चौकशीसाठी बोलवण्यात आलं आहे. तर जॅकलिनला १५ ऑक्टोबर रोजी चौकशीसाठी बोलावण्यात आलं आहे. सूत्रांच्या माहितीनुसार, अंमलबजावणी संचालनालय अशा व्यक्तींची चौकशी करत आहे जे या प्रकरणाशी प्रत्यक्ष किंवा अप्रत्यक्षरित्या जोडले गेले आहेत. आरोपी सुकेश याने फसवणूक करून मिळवलेले पैसे त्याने परदेशातील बँकेत ठेवल्याचा अंमलबजावणी संचालनालयाला संशय आहे. लाचखोरी आणि फसवणूक अशा २१ आरोपांसाठी सुकेश याची रवानगी तुरुंगात करण्यात आली आहे. अंमलबजावणी संचालनालयाच्या माहितीनुसार, बॉलिवूडमधील अनेक कलाकार या सुकेशसोबत जोडलेले आहेत. त्यामुळे अंमलबजावणी संचालनालय त्यांना समन्स पाठवत आहे. अंमलबजावणी संचालनालयाने सुकेश याच्या चेन्नईमधील बंगल्यावर धाड टाकली होती. तेव्हा त्याच्या बंगल्यामधून ८२ लाख रुपये , दोन तोळे सोनं आणि १६ महागड्या गाड्या जप्त करण्यात आल्या होत्या. सुकेशने जॅकलिन प्रमाणे नोराला देखील त्याच्या जाळ्यात अडकवण्याचा प्रयत्न केला होता, त्यामुळे नोराला समन्स बजावण्यात आले आहेत.
from Marathi Bollywood News, Marathi Cinema News https://ift.tt/3v7qns4
