मुंबई- लोकप्रिय बॉलिवूड अभिनेत्री हिला गुरुवारी २१ ऑक्टोबर रोजी एनसीबीकडून समन्स बजावण्यात आले होते. ड्रग प्रकरणात आर्यनच्या व्हॉट्सअप चॅटमध्ये अनन्याचं नाव आल्याने एनसीबीने अनन्याच्या घरावर छापा टाकत तिला समन्स बजावले होते. अनन्या गुरुवारी उशिरा एनसीबी कार्यालयात पोहोचल्याने दोन तास चौकशी करून तिला सोडण्यात आलं. मात्र शुक्रवारी पुन्हा अनन्याला चौकशीसाठी बोलावण्यात आलं. आता अनन्या आणि आर्यन यांच्या व्हॉट्सअप चॅटमधील काही मेसेज समोर आले आहेत ज्यात आर्यन अनन्याकडे अमली पदार्थाची मागणी करत असल्याचं बोललं जातंय. एनसीबीचे झोनल डायरेक्टर समीर वानखेडे यांनी अनन्याची चौकशी केली. त्यादरम्यान त्यांनी अनन्याला तिचे आणि आर्यनचे चॅटदेखील दाखवले. सूत्रांच्या माहितीनुसार, एका चॅटमध्ये आर्यन त्याची मैत्रीण अनन्याला विचारतोय की काही जुगाड होऊ शकतं का, काही व्यवस्था होऊ शकते का? त्यावर अनन्या लिहिते की, मी काहीतरी व्यवस्था करते. असं म्हटलं जातंय की आर्यन गांजा मिळवण्यासाठी अनन्याला विचारत होता. जेव्हा समीर यांनी अनन्याला या चॅटबद्दल प्रश्न विचारला तेव्हा अनन्या म्हणाली की तो सिगारेटबद्दल विचारत होता. त्यानंतर समीर यांनी अनन्याला तू अमली पदार्थांचं सेवन केलंय का विचारताच अनन्याने यागोष्टीला नकार दिला. आर्यन खान ड्रग प्रकरणात एक ड्रग विक्रेता पकडला गेला आहे. हा व्यक्ती या प्रकरणातील मुख्य दुवा मानला जात आहे. या विक्रेत्याच्या नावाचा खुलासा देखील आर्यनच्या चॅटमधून झाला होता. सूत्रांच्या माहितीनुसार, जेव्हा समीर यांनी अनन्याला प्रश्न विचारायला सुरुवात केली तेव्हा ती रडू लागली. त्यानंतर अनन्याला पाणी देण्यात आलं आणि पुढील प्रश्न विचारण्यात आले. एनसीबी कार्यालयात जाण्यापूर्वीही अनन्या तिच्या वडिलांना बिलगून रडताना दिसत होती.
from Marathi Bollywood News, Marathi Cinema News https://ift.tt/3C6n6vM
