मुंबई : बॉलिवूडचा सुपरस्टार शाहरुख खानचे आयुष्य लवकरच सुरळीत होण्याची शक्यता आहे. शाहरुखचा मुलगा आर्यन खानची ड्रग्ज प्रकरणातून जामिनावर मुक्तता झाल्याने तो आता चिंतामुक्त झाला आहे. त्यामुळेच शाहरुख पुन्हा कामाला सुरुवात करण्याची शक्यता वर्तवली जात आहे. सुत्रांनी दिलेल्या माहितीनुसार शाहरुख खानने यशराज फिल्मच्या 'पठाण' सिनेमाचे चित्रीकरण सुरू करायला हिरवा कंदील दिला आहे. ड्रग्जप्रकरणी अटक झाल्यामुळे थांबवले होते काम नार्कोटिक्स कंट्रोल ब्युरोने शाहरुख खानचा मुलगा आर्यन खानला गोव्याकडे जाणा-या क्रुझवर आयोजित करण्यात आलेल्या ड्रग्ज पार्टीमधून अटक करण्यात आली होती. आर्यनला ३ ऑक्टोबर रोजी अटक झाल्यानंतर शाहरुखने त्याच्या सर्व सिनेमाची चित्रीकरण अनिश्चित काळासाठी पुढे ढकलली होती. त्यात 'पठाण' सिनेमाचीही समावेश होता. आर्यनला अटक झाल्यानंतर शाहरुख तातडीने मुंबईला परतला होता. त्यानंतर आर्यनच्या सुटकेसाठी तो शर्थीचे प्रयत्न करत होता. अखेर २६ दिवसानंतर आर्यनची तुरुंगातून जामिनावर बाहेर आला. त्यानंतर शाहरुखच्या जीवात जीव आला. डिसेंबरमध्ये चित्रीकरणला करणार सुरुवात सुत्रांनी दिलेल्या माहितीनुसार शाहरुख खानने स्पेनमध्ये होणा-या 'पठाण' सिनेमाच्या चित्रीकरणाला मंजुरी दिली आहे. जर सारे काही आलबेल राहिले तर पुढच्या महिन्यात पठाणच्या चित्रीकरणाला सुरुवात होण्याची शक्यता आहे. सुत्रांनी दिलेल्या माहितीनुसार स्पेनमधील काही दुर्गम ठिकाणी चित्रीकरण होणार आहे. या सिनेमात आणि दीपिका पादुकोण प्रमुख भूमिकेत आहेत. या ठिकाणी एका रोमँटिक गाण्याचे आणि काही अॅक्शन सीनचे चित्रीकरण होणार आहे. आर्यन घरी आल्यामुळे शाहरुख चिंतामुक्त आर्यनला ड्रग्जप्रकरणी जामीन मिळाल्यामुळे शाहरुख खानला मोठा दिलासा मिळाला आहे. त्यामुळे कामाला सुरुवात करण्याआधी तो काही दिवस कुटुंबासोबत तो घालवत आहे.
from Marathi Bollywood News, Marathi Cinema News https://ift.tt/3qscJiN
