मुंबई- प्रत्येकवेळी जेव्हा आपण एका सैनिकाला युनिफॉर्ममध्ये पाहतो तेव्हा आपलं मन अभिमानाने आणि सन्मानाने भरून येतं. बॉलिवूडनेही आपल्याला ही संधी अनेक वेळा दिली. बॉलिवूडमध्ये आतापर्यंत सैनिकांच्या आयुष्यावर आधारित अनेक सिनेमे रिलीज झाले असून ते प्रेक्षकांच्या पसंतीस उतरले. या भूमिका साकारण्यासाठी सर्वच कलाकारांनी आपल्या रक्ताचं पाणी केलं, असं म्हटलं तर चुकीचं ठरणार नाही. अक्षय कुमार-'रुस्तम' 'रुस्तम' हा २०१६ मध्ये रिलीज झालेला क्राइम थ्रिलर चित्रपट आहे ज्यात , इलियाना डिक्रूझ, अर्जुन बाजवा आणि ईशा गुप्ता यांनी प्रमुख भूमिका साकारल्या आहेत. अक्षयने एक नौदल अधिकाऱ्याची भूमिका साकारली. रुस्तम, त्याची पत्नी सिंथियासोबत खूप आनंदात असतो. जेव्हा त्याला त्याचा जवळचा मित्र विक्रम आणि सिंथियाच्या अफेअरबद्दल कळतं तेव्हा त्याला मोठा धक्का बसतो. रुस्तमवर विक्रमच्या हत्येचा खटला चालवला जातो. लोकांनी या चित्रपटाचे खूप कौतुक केलं. या चित्रपटाने बॉक्स ऑफिसवर १०० कोटींची कमाई केली होती. अदिवि शेष - 'मेजर' 'मेजर' चित्रपटात अभिनेता अदिवि शेषा हा मुंबईतील २६/११ च्या भीषण दहशतवादी हल्ल्यात शहीद झालेल्या मेजर संदीप उन्नीकृष्णनच्या भूमिकेत दिसणार आहे. त्याची जिद्द, विश्वास, संयम आणि मृदूपणा या चित्रपटाच्या ट्रेलरमध्ये पाहायला मिळणार आहे. चित्रपट प्रदर्शित होण्यापूर्वीच आदिवी शेषची ही व्यक्तिरेखा चर्चेचा विषय ठरली आहे. लवकरच हा चित्रपट प्रेक्षकांच्या भेटीला येणार आहे. विकी कौशल-'उरी: द सर्जिकल स्ट्राइक' 'उरी: द सर्जिकल स्ट्राइक' या चित्रपटात विकी कौशलने प्रमुख भूमिका साकारली आहे. या चित्रपटात त्याने मेजरची भूमिका साकारली होती. त्याचा how's the josh हा डायलॉग खूप प्रसिद्ध झाला होता. विकीने यात भारतीय सैन्याचे मेजर विहान सिंग शेरगिलची भूमिका साराकरली होती. विहानने दहशतवाद्यांच्याविरुद्ध सर्जिककल स्ट्राइक केलं होतं. या संपूर्ण टीमचं नेतृत्त्व केलं होतं. २०१६ मध्ये काश्मिरमधील उरी हल्ल्याला उत्तर म्हणून हल्ला करण्यात आला होता. सिद्धार्थ मल्होत्रा-'शेरशाह' 'शेरशाह' चित्रपटात अभिनेता सिद्धार्थ मल्होत्राने परमवीर चक्र विजेते विक्रम बत्रा यांची भूमिका साकारली होती. या चित्रपटाचं समीक्षकांनीही कौतुक केलं. तसंच हा चित्रपट प्रेक्षकांनाही खूप आवडला. चित्रपटातील सिद्धार्थ मल्होत्राचा लुकही चाहत्यांना पसंतीस पडला होता. अर्जन बाजवा-'स्टेट ऑफ सीज २६/११' अभिनेता अर्जन बाजवाने 'स्टेट ऑफ सीज २६/११' या सीरिजद्वारे ओटीटीच्या जगात पदार्पण केलं, ज्यामध्ये त्याने NSG कमांडो युनिटचं नेतृत्व करणाऱ्या कर्नल कुणालची भूमिका साकारली होती. समीक्षकांनीही अर्जनच्या दमदार अभिनयाचं कौतुक केलं आहे. त्याचा अभिनय प्रेक्षकांच्या मनाला भिडला. ही सीरिज संदीप उन्नीकृष्णनच्या 'ब्लॅक टॉर्नेडो: द थ्री सीजेस ऑफ मुंबई २६/११' वर आधारित होती. २००८ च्या दहशतवादी हल्ल्याचा वर्णन यात केलं आहे'.
from Marathi Bollywood News, Marathi Cinema News https://ift.tt/3H57xXx
