नवी दिल्लीः ‘Sorry, who are you?’ (सॉरी, तुम्ही कोण आहात?) असा एक मेसेज व्हाट्सअॅपवर येत असून तो अनेकांसाठी डोकेदुखी ठरत आहे. हा मेसेज आल्यानंतर या मेसेजच्या लिंकला ओपन केल्यास तुमचे बँक अकाउंट खाली होऊ शकते. इंस्टेंट मेसेजिंग अॅप व्हाट्सअॅप खूप आधीपासून हॅकर्सच्या निशाण्यावर आहे. हॅकर्सने यूजर्संना आपल्या जाळ्यात ओढण्यासाठी एक नवीन पद्धत शोधून काढली आहे. रिपोर्टच्या माहितीनुसार, व्हाट्सअॅपवर अज्ञात लोकांकडून ‘’Sorry, ’ सारखा मेसेज पाठवला जात आहे. हा स्कॅम काय आहे, हे सविस्तर जाणून घ्या. काय आहे ‘Sorry, who are you’ स्कॅम? व्हाट्सअॅपशी संबंधित लेटेस्ट अपडेट देणारी वेबसाइट WABetaInfo ने सांगितले की, ते (हॅकर्स) एक VoIP नंबर खरेदी करतात. (ज्याला व्हाट्सअॅपवर वापर करण्याची परवानगी नाही आहे) तसेच वेगवेगळ्या जणांना लक्ष्य केले जाते. कोणताही खास व्यक्ती किंवा अज्ञात व्यक्तीला ते मेसेज पाठवतात. ज्यात विचारले जाते. Sorry, who are you? I found you in my address book (माफ करा, तुम्ही कोण आहात?, तुमचा नंबर माझ्या फोन लिस्टमध्ये होता) यावेळी तुमच्याशी बोलताना ते काही डिटेल्स विचारतात. उदा. तुमचे नाव, तुमची नोकरी काय आहे. तुम्ही किती वर्षाचे आहात. तुम्हाला चांगले वाटावे यासाठी तुमची स्तुती सुद्धा करतात. यानंतर हॅकर्स फेसबुक आणि इंस्टाग्राम प्रोफाइल द्वारे तुमची काही अन्य माहिती गोळा करतात. यावरून पैसे चोरण्यासाठी त्यांना त्याची मदत मिळते. ही पद्धत खूप जुनी असली तरी अनेक जण या जाळ्यात अडकतात. पुढील स्टेप ही असते पुढच्या स्टेप मध्ये ते तुम्हाला ब्लॅकमेल करण्याचा प्रयत्न करतात. त्यांच्याकडे तुमचे काही पर्सनल फोटो आहेत. (ही फोटो असू शकतात किंवा फोटोशॉप केलेली असू शकतात) जे तुमच्या कुटुंब आणि मित्रांसोबत शेअर करण्याची धमकी देतात. एकदा पैसे दिले की, ते वारंवार पैशांची मागणी करतात. यापासून दूर राहण्यासाठी हे करा या पद्धतीच्या स्कॅम पासून दूर राहण्यासाठी तुम्हाला नेहमी अलर्ट राहणे गरजेचे आहे. अज्ञात लोकांकडून आलेल्या मेसेजकडे दुर्लक्ष करा. अज्ञात लोकांना आपली खासगी माहिती, जसे नाव, पर्सनल अकाउंट शेअर करू नका. याशिवाय, आपल्या प्रोफाइल फोटोची प्रायव्हसी सेटिंगला “My Contacts" वर सेट करून ठेवा. वाचा: वाचा: वाचा: वाचा:
from Gadget News in Marathi: Computer, Mobile, Auto News in Marathi | Maharashtra Times https://ift.tt/3mQJoMA
