मुंबई: कोव्हिडविरुद्धच्या लढाईत प्रत्येक जण आपापल्या परीनं वाटा उचलतो आहे. छोट्या पडद्यावरील '' खऱ्या आयुष्यातही कोविड योद्ध्यांच्या मदतीसाठी सज्ज झाला आहे. 'डॉक्टर डॉन' मालिकेच्या चित्रीकरणासाठी वापरण्यात येणाऱ्या सेटमध्ये हॉस्पिटलच्या सेटचा समावेश आहे. मालिकेत पाहायला मिळत असलेलं हे हॉस्पिटल यापुढे कोविड सेंटर म्हणून वापरलं जाणार आहे. करोनाच्या रुग्णांमध्ये झपाट्यानं वाढ होत असल्यानं अनेक कोव्हिड सेंटर्सची निर्मिती केली जात आहे. मीरा-भाईंदर परिसरात 'डॉक्टर डॉन' या मालिकेतील हॉस्पिटलचं चित्रीकरण करण्यात येतं. महापालिकेला कोव्हिड सेंटरसाठी जागेची आवश्यकता होती. हॉस्पिटलचा सेट उभारलेला असल्यानं 'डॉक्टर डॉन' या मालिकेच्या टीमकडे जागेविषयी विचारणा करण्यात आली. संपूर्ण देश कोविड-१९विरोधात लढत असताना, मालिकेच्या टीमनंही कोव्हिड योद्ध्यांना मदत करायचं ठरवलं. करोनाविरुद्धच्या लढाईत आपलाही खारीचा वाटा असावा, यासाठी मालिकेचा सेट, महापालिकेच्या ताब्यात देण्यात आला आहे. आता हा सेट, यापुढे करोनाच्या रुग्णांवर उपचार करण्यासाठी वापरण्यात येणार आहे. चित्रीकरणासाठी नवा पर्याय शोधणं ही समस्या समोर उभी ठाकली असली, तरीही मालिकेच्या सेटचा वापर एका अत्यंत महत्त्वपूर्ण कामासाठी होणार असल्यानं टीममधील प्रत्येक कलाकार आनंदात आहे. सध्या डॉक्टर डॉनचा सेट कर्जत येथील एका रिसॉर्टवर हलवण्यात आलं आहे. सेटवर स्वच्छता राखली जात असून, खबरदारीचे सर्व उपायही केले जात आहेत. , आणि यांच्या या मालिकेत प्रमुख भूमिका आहेत.
from Marathi Bollywood News, Marathi Cinema News https://ift.tt/305ZdTi
