मुंबई-'प्रेम' सहज आणि सोपं असं कधीच नव्हतं, एखादया व्यक्तीवर प्रेम करणं म्हणजे एक वेगळीच परीक्षा असते. रोमियो जुलियट, सलीम अनारकली, लैला मजनू अशी अनेक उदाहरणं आहेत ज्यांनी प्रेमाची एक वेगळी कसोटी जगासमोर आणली होती. २१व्या शतकातसुद्धा या कसोटीला पर्याय उपलब्ध झालेला नाही. नेमकी हीच गोष्ट '' या सीरिजमधून घेऊन येत आहेत. शिवराज वायचळ आणि शिवानी रंगोळेची प्रमुख भूमिका असलेली ही पाच एपिसोडची सीरिज आहे. आकाश (शिवराज) त्याच्या प्रेयसी शाश्वतीला मिळवण्यासाठी करत असलेली धडपड आणि यासाठी त्याची मदत करणारी सायली (शिवानी रांगोळे) यांची एक वेगळीच धमाल कथा या सीरिजमध्ये सांगण्यात आली आहे. हेरगिरी करण्यापासून ते आपल्या प्रेयसीच्या होणाऱ्या नवऱ्याबरोबर लढणाऱ्या एका कट्टर प्रेमीची कथा 'इडियट बॉक्स'मध्ये पाहायला मिळणार आहे. या सीरिजबद्दल बोलताना आकाश म्हणजेच शिवराज सांगतो की, 'आयुष्यात प्रत्येकजण या सगळ्यातून जातोच, आपल्या प्रेयसी किंवा प्रियकराला परत मिळवण्यासाठी प्रत्येकजण एकदा तरी प्रयत्न करतोच. इडियट बॉक्स सीरिज त्याचीच कथा तुमचा समोर रंजकतेने मांडते. आकाशची प्रेम कथा आणि त्याचा प्रवास अनेकांना आपलासा वाटणारा आहे आणि हेच मला फार आवडलं आणि ते प्रेक्षकांनाही आवडेल हे नक्की.' 'सायली ही अशी व्यक्ती आहे जी तिच्या मित्राला सुखी पाहण्यासाठी वाट्टेल ते करू शकते. या पात्राची सगळ्यात भावणारी गोष्ट म्हणजे स्वतःचा स्वार्थ न पाहता आकाशची मदत करणं. सुरुवातीला हे एक साधं पात्र वाटतं असलं तरी नंतर 'सायली'चे अनेक पैलू तुम्हाला दिसू लागतील. निरागस आणि अगदी टीव्ही मालिकेसारखी असलेली ही सीरिज या पावसाळ्यात पाहण्यासाठी उत्तम आहे.' असं सायली साकारत असलेली शिवानी रांगोळे आपल्या पात्राबद्दल सांगते. जीत अशोक आणि विराजस कुलकर्णी यांचं दिग्दर्शन असलेल्या या सीरिजमध्ये , अभिजित खांडकेकर, पुष्कर जोग, संस्कृती बालगुडे, अक्षय टाकसाळे, प्रवीण तरडे, मृणाल कुलकर्णी, सुनील बर्वे आणि आशय कुलकर्णी असे मराठीतले दिग्गज आणि आघाडीचे कलाकार आहेत. ही सीरिज मराठी व्यतिरिक्त हिंदी, तमिळ,तेलुगू या भाषांमध्ये २४ तारखेपासून एमएक्स प्लेअरवर विनामूल्य पाहता येणार आहे.
from Marathi Bollywood News, Marathi Cinema News https://ift.tt/3eIVX5x
