हैदराबाद- नम्रता शिरोडकर सोशल मीडियावर बरीच सक्रिय आहे. ती चाहत्यांशी सोशल मीडियाच्या माध्यमातूनच संपर्कात असते. ती पती आणि तिच्या मुलांचे अनेक फोटो आणि व्हिडिओ इन्स्टाग्रामवर शेअर करते. काही दिवसांपूर्वी नम्रताना इन्स्टाग्रामवर लाइव्ह चॅट केलं आणि चाहत्यांच्या अनेक प्रश्नांची उत्तरं दिली. एका चाहत्याने महेश बाबू मराठी बोलू शकतात का असा प्रश्न विचारला. यावर नम्रताने 'काश.. असं झालं असतं..' असं मजेशीर उत्तर दिलं. यावरूनच महेश बाबूला मराठी येत नसल्याचं तिने सांगितलं. अजून एका यूझरने तू महेश सरांच्या प्रेमात आहेस हे केव्हा कळलं असा प्रश्न विचारला. या प्रश्नाचं उत्तर देताना नर्मता म्हणाली की, 'न्यूझीलंडमध्ये ५२ दिवसांचं आउटडोअर शेड्यूल होतं. या शेड्युलच्या शेवटच्या दिवशी मी महेशच्या प्रेमात असल्याची जाणीव झाली.' यानंतर तुमचं लव्ह मॅरेज होतं की अरेन्ज असा प्रश्न विचारला असता नर्मताने. 'याचा अर्थ तुला आमच्या लव्हस्टोरीबद्दल फारसं माहीत नाहीये' असं उत्तर दिलं. एका चाहत्याने नर्मताने गोंदवलेला टॅटू दाखवण्याची विनंती केली. या विनंतीला मान देऊन नर्मताने पती महेश आणि मुलं गौतम आणि सिताराची नावं गोंदवलेला टॅटू शेअर केला. महेश आणि गौतम यांचा आवडता खेळ कोणता या प्रश्नाचं उत्तर देताना नर्मताना टेनिस आणि गोल्फ असं सांगितलं. तसंच नर्मताच्या आई- वडिलांनी महेश यांचा लगेच स्वीकार केला का असा प्रश्न विचारला असता नर्मताने, 'महेशला पाहताच माझे आई- वडील त्याच्या प्रेमात पडले होते.' असं सांगितलं. तसेच गौतम आणि सिताराला तेलगु भाषा बोलता येते का यावर नर्मताने दोन्ही मुलांना तेलगू, मराठी आणि इंग्रजी या तीन भाषा अस्खलित बोलता येतात असं उत्तर दिलं.
from Marathi Bollywood News, Marathi Cinema News https://ift.tt/32A1pVW
