मुंबई: गेल्या काही दिवसांपासून मराठी सिनेसृष्टीतील अभिनेत्री चर्चेत आहे. चर्चेत येण्याचं कारण म्हणजे सोशल मीडियावर तिनं लिहिलेली वादग्रस्त पोस्ट. सोशल मीडियावरील वादग्रस्त पोस्टमुळं चर्चेत येण्याची केतकीची ही काही पहिलीच वेळ नाहीए. त्यामुळं सोशल मीडियावर नेटकऱ्यांकडून तिच्यावर सतत टीका केली जाते. काही दिवसांपूर्वी स्टँड-अप कॉमेडियन हिनं शिवरायांवरील केलेल्या थट्टेमुळं शिवप्रेमींनी तिला चांगलंच थारेवर धरलं होतं. यानंतर या प्रकरणात केतकीनं उडी घेत तिचं समर्थन केलं होतं. त्यामुळं नेटकऱ्यांनी केतकीला देखील मोठ्या प्रमाणावर ट्रोल केलं होतं. केतकीचे अनेक फोटो सोशल मीडियावर व्हायरल करण्यात आले होते. याच फोटोंना केतकीनं आता उत्तर द्यायला सुरुवात केली आहे.केतकी तिच्या फेसबुक अकाऊंटवर या फोटोंमागील सत्य सांगण्याचा प्रयत्न करताना दिसतेय. एका किल्ल्यावरच्या तोफेवर बसून फोटो काढल्यानं केतकीला ट्रोल केलं जात आहे. तिच्या मालिकेतील हा फोटो असून यावर तिनं तिचं स्पष्टीकरण देण्याचा प्रयत्न केलाय. या फोटोवर एका नेटकऱ्यानं महाराजांच्या किल्ल्याचा इतिहास आणि वारसाबद्दल लिहिलं आहे. यालाच उत्तर देताना तिनं या किल्ल्याचा इतिहास काय आहे, हे सांगण्याचा प्रयत्न केला. तर केतकीचा आणखी एक फोटो व्हायरल होत असून या फोटोत ती बियर पिताना दिसतेय. या फोटोवरून तिला ट्रोल करणाऱ्यांना तिनं एका बातमीचा फोटो शेअर करत उत्तर देण्याता प्रयत्न केलाय. पण यामुळं ती आणखीच ट्रोल होत आहे.
from Marathi Bollywood News, Marathi Cinema News https://ift.tt/2ZDdNCU
