भारत - चीन यांच्यात आधीच थोडा तणाव होता. परंतु, गलवान खोऱ्यात चीन-भारतीय जवान यांच्यात झालेल्या झटापटीत भारताचे २० जवान शहीद झाले. चीनच्या नापाक कृतिमुळे भारत-चीन या दोन देशातील संबंध अधिक ताणले गेले. त्यानंतर केंद्र सरकारने देशातील फोन युजर्सची सुरक्षा लक्षात घेऊन ५९ चायनीज अॅपवर बंदी घातली. केंद्र सरकारच्या या निर्णयामुळे चीनचा आणखी थयथयाट पाहायला मिळाल. तर दुसरीकडे भारतात चायनीज उत्पादनांवर बहिष्कार टाकण्याची मोहीम सुरू करण्यात आली. या मोहीमेला आता बऱ्यापैकी यश येताना दिसत आहे. आता अनेक जण फोन खरेदी करताना मेड इन चायना फोन नकोय, असे सांगत आहेत. जर तुम्हाला मेड चायना स्मार्टफोन खरेदी करायचा नसेल तसेच तुम्हाला जर प्रीमियम म्हणजेच ३० हजार रुपयांपेक्षा कमी किंमतीत फोन खरेदी करायचा असेल तर या ठिकाणी आम्ही काही टॉप स्मार्टफोनची यादी देत आहोत. सॅमसंग पासून नोकिया आणि एलजी पर्यंत अनेक कंपन्यांचे बेस्ट पर्याय उपलब्ध आहेत. पाहा टॉप 'नॉन-चायनीज' स्मार्टफोन्स कोणकोणते आहेत....सॅमसंग कंपनीची ए सीरीज अंतर्गत या फोनला लाँचिंग करण्यात आले आहे. या फोनमध्ये ६.३ इंचाचा फुल एचडी प्लस डिस्प्ले देण्यात आला आहे. या फोनमध्ये 2.3GHz प्रोसेसर दिला आहे. तसेच या फोनमध्ये ८ जीबी रॅम प्लस १२८ जीबी स्टोरेज दिले आहेत. या फोनमध्ये 48+12+5+5 मेगापिक्सलचे क्वॉड प्रायमरी कॅमेऱ्याचा सेटअप दिला आहे. तसेच सेल्फी साठी ३२ मेगापिक्सलचा फ्रंट कॅमेरा दिला आहे. फोनला पॉवर देण्यासाठी 4000mAh ची क्षमतेची बॅटरी दिली आहे.
दक्षिण कोरियाची कंपनी सॅमसंगचा आणखी एक स्मार्टफोन तुम्ही खरेदी करू शकता. सॅमसंगच्या या फोनमध्ये ६.२ इंचाचा फुल एचडी प्लस डिस्प्ले दिला आहे. या फोनमध्ये 2.3GHz प्रोसेसर देण्यात आला आहे. या फोनमध्ये ८ जीबी रॅम देण्यात आली आहे. तसेच फोनमध्ये १२८जीबी इंटरनल स्टोरेज दिला आहे. फोनला पॉवर देण्यासाठी यात 6000mAh क्षमतेची मोठी बॅटरी दिली आहे. फोनमध्ये 64+8+5+5 मेगापिक्सलचा प्रायमरी कॅमेरा सेटअप दिला आहे. सेल्फी चाहत्यांसाठी या फोनमध्ये ३२ मेगापिक्सलचा फ्रंट कॅमेरा दिला आहे.
नॉन चायना फोन खरेदीत नोकियाचा फोन सुद्धा तुम्हाला खरेदी करता येवू शकतो. भारतात आधीपासूनच नोकियाच्या फोनला जबरदस्त मागणी राहिली आहे. या फोनमध्ये ६.३ इंचाचा फुल एचडी प्लस डिस्प्ले दिला आहे. या फोनमध्ये क्वालकॉम स्नॅपड्रॅगन 636 प्रोसेसर दिला आहे. फोनमध्ये ४ जीबी रॅम आणि ६४ जीबी स्टोरेज दिला आहे. फोनमध्ये रियर पॅनेलवर 16+5+8 मेगापिक्सलचा कॅमेरा सेटअप दिला आहे. सेल्फीसाठी या फोनमध्ये ८ मेगापिक्सलचा फ्रंट कॅमेरा दिला आहे. फोनमध्ये पॉवर देण्यासाठी 3,500mAh ची बॅटरी दिली आहे.
नोकिया कंपनीचा हा पॉवर फुल फोनमध्ये ६.३ इंचाचा फुल एचडी प्लस डिस्प्ले दिला आहे. या फोनमध्ये क्वॉलकॉम स्नॅपड्रॅगन 660 प्रोसेसर दिला आहे. या फोनमध्ये ६ जीबी रॅम आणि ६४ जीबी स्टोरेज देण्यात आला आहे. या फोनमध्ये पॉवर देण्यासाठी 3,500mAh क्षमतेची बॅटरी दिली आहे. या फोनमध्ये 48+5+8 मेगापिक्सलचा कॅमेरा दिला आहे. सेल्फी चाहत्यांसाठी या फोनमध्ये २० मेगापिक्सलचा फ्रंट कॅमेरा दिला आहे. तुम्हाला जर चायना कंपनीचा फोन खरेदी करायचा नसेल तर हा फोन सुद्धा एक चांगला ऑप्शन आहे. या फोनची किंमत १६ हजार ९९९ रुपये आहे.
एलजी कंपनीचा LG G7 ThinQ या स्मार्टफोनमध्ये ६.१ इंचाचा क्वॉड एचडी प्लस डिस्प्ले दिला आहे. या फोनमध्ये क्वॉलकॉम स्नॅपड्रॅगन 845 चिपसेट दिला आहे. फोनमध्ये ४ जीबी रॅम आणि ६४ जीबी स्टोरेज दिले आहे. या फोनमध्ये रियरवर १६ मेगापिक्सलचा कॅमेरा दिला आहे. तसेच सेल्फी काढण्यासाठी ८ मेगापिक्सलचा फ्रंट कॅमेरा दिला आहे. फोनला पॉवर देण्यासाठी यात 3000mAh ची बॅटरी दिली आहे. मेड इन चायना फोन खरेदी करायचा नसेल तर सॅमसंग, नोकिया या कंपनी प्रमाणे एलजीचा LG G7 ThinQ हा फोन सुद्धा एक बेस्ट पर्याय होऊ शकतो.
from Gadget News in Marathi: Computer, Mobile, Auto News in Marathi | Maharashtra Times https://ift.tt/2WoThni
