मुंबई- अभिनेत्री रिया चक्रवर्तीने अखेर आपलं मौन सोडत सोशल मीडियावर ट्रोल करणाऱ्यांना सडेतोड उत्तर दिलं आहे. सुशांतसिंह राजपूतच्या निधनानंतर रियाला अनेकप्रकारच्या धमक्या सातत्याने येत आहेत. रियाने यातील काही स्क्रिनशॉट सोशल मीडियावर शेअर केले आहेत. यात ट्रोल करणाऱ्या व्यक्तीने लिहिले की, जर रियाने आत्महत्या केली नाही तर तिच्यावर बलात्कार करण्यात येईल आणि तिची हत्या करण्यात येईल. मला खुनी म्हणण्यात आलं मी शांत राहिली, पण... रियाने स्क्रीनशॉट शेअर करत म्हटलं की, मला गोल्ड डिगर (पैशांसाठी कोणाला तरी फसवणारे) म्हणण्यात आले मी शांत राहिली. मला खुनी म्हणण्यात आले मी शांत राहिले.. माझ्या चरित्रावर चिखलफेक झाली मी तरीही शांत राहिले. पण माझ्या शांत राहण्यांने तुम्हाला हा अधिकार कसा दिला की जर मी आत्महत्या केली नाही तर तुम्हाला माझा बलात्कार करण्याचा आणि माझी हत्या करण्याचा अधिकार कोणी दिला. तू जे हे लिहिलं त्याचं गांभीर्य तरी तुला कळतंय का.. हा एक गुन्हा आहे. कायदेशीररित्या तुम्ही कोणाला असं बोलू शकत नाही. रियाने या पोस्टम्ये सायबर क्राइम हेल्पलाइनलाही टॅग केलं आहे. नोंदवला गेला रियाचा जबाब मीडिया रिपोर्टनुसार, रिया आणि सुशांत रिलेशनशिपमध्ये होते. रिया अनेक दिवस सुशांतच्याच घरी राहत होती. सुशांतने आत्महत्या करण्याच्या काही दिवसआधी तिने सुशांतचं घर सोडलं होतं. सुशांतनेच तिला घरातून निघायला सांगितलं होतं. सुशांतच्या हत्येनंतरचाही रियाचा जबाब मुंबई पोलिसांनी नोंदवून घेतला आहे. जवळपास ११ तास पोलिसांनी तिची चौकशी केली.
from Marathi Bollywood News, Marathi Cinema News https://ift.tt/32n22C8
