मुंबई: इन्स्टाग्रामवर अश्लील आणि धमकी देणारे मेसेज पाठविले जात असल्याची तक्रार अभिनेता याची गर्लफ्रेंड आणि अभिनेत्री हिनं केली होती. या तक्रारीवरून सांताक्रूझ पोलिसांनी इन्स्टाग्राम वापरणाऱ्या दोघांवर गुन्हा दाखल केला आहे. सुशांतच्या आत्महत्येनंतर रिया हिला धमकीचे संदेश येत आहेत. सुशांतच्या निधनाला एक महिना उलटून गेल्यानंतर त्याची गर्लफ्रेंड रिया चक्रवर्ती सोशल मीडियावर सक्रिय झाली आहे. सुशांतच्या आत्महत्येनंतर तिला सोशल मीडियावर मोठ्या प्रमाणात ट्रोल करण्यात येत आहे. आपलं मौन सोडत सोशल मीडियावर ट्रोल करणाऱ्यांना रियानं उत्तर दिलं आहे. रियाला अनेकप्रकारच्या धमक्या सातत्यानं येत आहेत. रियानं यातील काही स्क्रिनशॉट सोशल मीडियावर शेअर केले आहेत. यात ट्रोल करणाऱ्या व्यक्तीनं लिहिले की, जर रियानं आत्महत्या केली नाही तर तिच्यावर बलात्कार करण्यात येईल आणि तिची हत्या करण्यात येईल. याच प्रकरणी मुंबई पोलिसांनी आता दोन जणांवर गुन्हा दाखल केला आहे. मला खुनी म्हणण्यात आलं मी शांत राहिली, पण... रियानं स्क्रीनशॉट शेअर करत म्हटलं आहे की, मला गोल्ड डिगर (पैशांसाठी कोणाला तरी फसवणारे) म्हणण्यात आले मी शांत राहिली. मला खुनी म्हणण्यात आले मी शांत राहिले.. माझ्या चरित्रावर चिखलफेक झाली मी तरीही शांत राहिले. पण माझ्या शांत राहण्यांने तुम्हाला हा अधिकार कसा दिला की जर मी आत्महत्या केली नाही तर तुम्हाला माझा बलात्कार करण्याचा आणि माझी हत्या करण्याचा अधिकार कोणी दिला. तू जे हे लिहिलं त्याचं गांभीर्य तरी तुला कळतंय का.. हा एक गुन्हा आहे. कायदेशीररित्या तुम्ही कोणाला असं बोलू शकत नाही. रियानं या पोस्टम्ध्ये सायबर क्राइम हेल्पलाइनलाही टॅग केलं आहे. नोंदवला गेला रियाचा जबाब रिया आणि सुशांत रिलेशनशिपमध्ये होते. रिया अनेक दिवस सुशांतच्याच घरी राहत होती. सुशांतनें आत्महत्या करण्याच्या काही दिवसआधी तिनं सुशांतचं घर सोडलं होतं. सुशांतनेंच तिला घरातून निघायला सांगितलं होतं. सुशांतच्या हत्येनंतरचाही रियाचा जबाब मुंबई पोलिसांनी नोंदवून घेतला आहे. जवळपास ११ तास पोलिसांनी तिची चौकशी केली.
from Marathi Bollywood News, Marathi Cinema News https://ift.tt/2ChqXfZ
