वनपल्स OnePlus ने आपला बहुचर्चित व स्वस्त किंमतीचा स्मार्टफोन OnePlus Nord काल रात्री लाँच केला आहे. या फोनची गेल्या काही दिवसांपासून जोरदार चर्चा सुरू होती. वनप्लसने या फोनसोबत इयरबड्स सुद्धा लाँच केले आहेत. काल रात्री साडे सातच्या सुमारास एका ऑनलाइन कार्यक्रमात हा फोन लाँच केला आहे. वनप्लस कंपनीचा आता पर्यंतचा हा सर्वात स्वस्त स्मार्टफोन आहे. भारतात या फोनची किंमत २४ हजार ९९९ रुपये आहे. या फोनमध्ये ६ जीबी रॅम पासून १२ जीबी रॅम पर्यंत ऑप्शन दिले आहेत. वनप्लसचा हा स्वस्तातील स्मार्टफोन OxygenOS 10.5 वर बेस्ड अँड्रॉयड १० वर काम करतो. या फोनमध्ये क्वॉलकॉम स्नॅपड्रॅगन 765G प्रोसेसर दिला आहे. या फोनचे आणखी काय-काय वैशिष्ट्ये आहेत. जाणून घ्या...वनप्लस नॉर्ड स्मार्टफोन 6GB रॅम+64GB स्टोरेज, 8GB रॅम+128GB स्टोरेज आणि 12GB रॅम+256GB स्टोरेज या तीन व्हेरियंटमध्ये लाँच करण्यात आले आहे. भारतात ६ जीबी रॅम प्लस ६४ जीबी स्टोरेजमध्ये स्मार्टफोन लाँच केला आहे. या फोनची किंमत २४ हजार ९९९ रुपये आहे. हा फोन सप्टेंबर मध्ये भारतात उपलब्ध होणार आहे. तर ८ जीबी रॅम प्लस आणि १२८ जीबी स्टोरेजच्या फोनची किंमत २७ हजार ९९९ रुपये आहे. तर १२ जीबी रॅम प्लस २५६ जीबी स्टोरेजच्या फोनची किंमत २९ हजार ९९९ रुपये आहे.
वनप्लस नॉर्ड कंपनीचा सर्वात स्वस्त फोन आहे. कंपनीने आता पर्यंतचा सर्वात स्वस्त फोन म्हणून या फोनला लाँच केले आहे. भारतात हा फोन अनेक ब्रँड्सच्या फोनला टक्कर देईल. वनप्लस नॉर्ड ऑफिशल IP रेटिंग सोबत येतो. त्यामुळे या फोनची किंमत कमी करण्यात आली आहे. नॉर्ड सीरीजला लाँच करण्यामागे कंपनीचा उद्देश सुद्धा कमी किंमत करणे हाच दिसून येतो आहे. भारतात केवळ ६ जीबी रॅम प्लस ६४ जीबी स्टोरेजचा एक व्हेरियंटचा फोन लाँच करण्यात आला आहे. सप्टेंबर महिन्यापासून या फोनची विक्री सुरू करण्यात येणार आहे.
वनप्लस नॉर्डमध्ये कंपनीने ६.४४ इंचाचा अमोलेड डिस्प्ले दिला आहे. जो 90Hz रिफ्रेश रेट ऑफर करीत आहे. फोनच्या बॅक आणि फ्रंटला गोरीला ग्लास ५ चे प्रोटेक्शन दिले आहे. जे स्क्रॅच आणि क्रॅक पासून वाचवते. वनप्लसच्या फ्लॅगशीप फोन्स प्रमाणे या फोनमध्येही दोन वर्षा पर्यंत सॉफ्टवेयर अपडेट आणि ३ वर्षापर्यंत सिक्योरिटी अपडेट्स मिळतील. फ्लॅगशीप वनप्लस ८ सीरीज प्रमाणे ५ जी सपोर्ट करतो. फोनमध्ये क्वॉलकॉम स्नॅपड्रॅगन 765G प्रोसेसर देण्यात आला आहे. आधीच्या स्नॅपड्रॅगन 730G च्या तुलनेत जवळपास ३० टक्के अधिक वेगाने ग्राफिक्स रेंडर करतो.
वनप्लस नॉर्डला ४ रियर कॅमेऱ्यासोबत लाँच करण्यात आले आहे. म्हणजेच फोनच्या मागे ४ कॅमेरे दिले आहेत. फोनच्या मागे मेन कॅमेरा ४८ मेगापिक्सलचा Sony IMX586 सेंसर दिला आहे. तसेच फोनच्या मागे ८ मेगापिक्सलचा अल्ट्रा वाइड कॅमेरा, ५ मेगापिक्सलचा डेप्थ सेन्सर आणि २ मेगापिक्सलचा मायक्रो लेन्स दिला आहे. कंपनीने यात समोरच्या भागात ड्यूल पंच होल कॅमेरा सेटअप दिला आहे. सेल्फीसाठी फोनच्या समोर ३२ मेगापिक्सलचा प्रायमरी आणि ८ मेगापिक्सलचा वाइड अँगल सेकंडरी लेन्स दिला आहे.
from Gadget News in Marathi: Computer, Mobile, Auto News in Marathi | Maharashtra Times https://ift.tt/2BksPE2
