मुंबई- बॉलिवूडचे पहिले सुपरस्टार यांचा आज स्मृतीदिन आहे. १८ जुलै २०१२ मध्ये त्यांचं निधन झालं. राजेश खन्ना यांचा जन्म २९ डिसेंबर १९४२ मध्ये पंजाबमधील अमृतसर येथे झाला. त्यांचं मूळ नाव जतीन खन्ना असं होतं. बॉलिवूडमध्ये त्यांना सर्वजण 'काका' नावानेच हाक मारायचे. त्यांनी फिल्मी करिअरमध्ये एकाहून एक हिट सिनेमे दिले. एक कलाकार म्हणून राजेश खन्ना यांनी स्वतःची अशी वेगळी छाप सोडली की आजही त्यांना त्यांच्या हिट सिनेमांसाठी ओळखलं जातं. राजेश खन्ना यांनी एकामागोमाग एक असे सलग १५ हिट सिनेमे दिले होते. यानंतर प्रत्येक दिग्दर्शक आणि निर्मात्याला राजेश यांच्यासोबतच काम करायचं होतं. सिनेमात राजेश खन्ना असणं हीच गोष्ट तो सिनेमा हिट करण्यासाठी पुरेशी होती. काका यांनी फक्त अभिनेता म्हणूनच नाही तर एक दिग्दर्शक आणि निर्माता म्हणूनही काम केले. जाणून घेऊ त्यांच्याबद्दलच्या अजून काही रंजक गोष्टी.. - राजेश खन्ना यांनी एकूण १८० सिनेमांमध्ये काम केलं. यातील १६३ सिनेमे हे फिचर फिल्म होते. १२८ सिनेमांमध्ये त्यांनी मूख्य भूमिका साकारल्या. २२ सिनेमांमध्ये दुहेरी भूमिका केल्या तर छोट्या- मोठ्या अशा १७ सिनेमांमध्ये काम केलं. १९६९ ते १९७१ या काळात त्यांनी सलग १५ हिट सिनेमे दिले. यानंतर त्यांना बॉलिवूडचा सुपरस्टार हा किताब मिळाला. - राजेश खन्ना यांना सर्वोत्कृष्ट अभिनेत्यासाठी तीन वेळा फिल्मफेअरचा पुरस्कार मिळाला. तर १४ वेळा ते या पुरस्कारांसाठी नामांकित झाले होते. - बंगाल फिल्म जर्नलिस्ट असोसिएशनद्वारे हिंदी सिनेमांतील सर्वोत्कृष्ट अभिनेत्याचा पुरस्कार त्यांना चार वेळा मिळाला. तर याच पुरस्कारासाठी ते २५ वेळा नामांकित झाले होते. - राजेश खन्ना 'आनंद' सिनेमाच्या सेटवर उशीरा पोहोचायचे. यामुळे सिनेमाचे दिग्दर्शक त्यांच्यावर नाराजही झाले होते. यामुळे राजेश यांना दिग्दर्शकाची माफी मागावी लागली होती. - राजेश खन्ना यांनी अमिताभ बच्चन यांचीही खिल्ली उडवली होती. कारण अमिताभ सेटवर वेळेत पोहोचायचे. एका मुलाखतीत त्यांनी सांगितलं होतं की, क्लार्क हे वेळेवर येतात पण ते काही क्लार्क नाही तर कलाकार आहेत. - आनंद सिनेमाच्या यशानंतर त्यांनी एका मुलाखतीत सांगितलं होतं की, तेव्हा मला मी देवाच्या बाजूला बसल्याचा अनुभव येत होता. पहिल्यांदा मला जाणवलं की यश काय असतं. मला अजूनही आठवतं की बंगळुरू येथे सिनेमाचा प्रीमिअर होता. जवळपास १० किमीपर्यंत रस्त्यावर लोकांशिवाय दुसरं काही दिसतच नव्हतं. - राजेश खन्ना यांनी मान्य केलं होतं की, सलीम- जावेद आणि त्यांच्यात मतभेद होते. दीवार सिनेमासाठी राजेश यांना साइन करण्यात येणार होतं. त्यांच्याकडे दुसरा कोणता पर्यायही नव्हता. मात्र काही दिवसांनी त्यांना अमिताभ बच्चन या सिनेमाठी जास्त योग्य असल्याचं जाणवलं. सिनेमा पाहिल्यानंतर मीही अमिताभचं कौतुक केलं.
from Marathi Bollywood News, Marathi Cinema News https://ift.tt/2CJCRyT
