मुंबई- बॉलिवूड अभिनेता सुशांतसिंग राजपूत यांच्या मृत्यू प्रकरणी दररोज नवनवीन खुलासे होत आहेत. असाच एक खुलासा रविवारी संध्याकाळी झाला. यात गेल्या वर्षी नोव्हेंबरमध्ये ठाण्यातील एका अध्यात्मिक शिक्षकाने सुशांतची उदासीनता दूर केली होती. रिया चक्रवर्तीने स्वतः या अध्यात्मिक गुरूशी संपर्क केल्याचंही उघड झाले आहे. टाइम्स नाऊच्या अहवालानुसार या आध्यात्मिक गुरूंचे नाव आहे आणि त्यांनी दावा केला आहे की ते २२ आणि २३ नोव्हेंबर २०१९ रोजी आणि यांना भेटले होते. २२ नोव्हेंबरला सुशांतवर त्यांनी उपचार केले होते त्यानंतर तो ठीक असल्याचंही जोशी यांनी सांगितलं होतं. यानंतर २३ नोव्हेंबरला त्यांनी सुशांत आणि रियासोबत जेवण केल्याचाही आता दावा केला आहे. जोशी म्हणाले की, रियानेच त्यांच्याशी संपर्क करत सुशांत नैराश्यात असल्याचं सांगितलं होतं. इथे पाहा मुलाखत- ७० वर्षांचे आध्यात्मिक गुरू जोशी यांनी दावा केला आहे की, प्रसिद्ध उद्योजक धीरूभाई अंबानी आणि कर्नाटकचे माजी मुख्यमंत्री यांच्यावरही त्यांनी उपचार केले आहेत. टाइम्स नाऊच्या मुलाखतीत जोशी यांना सुशांतवर काळ्या जादूने उपचार केले का असा प्रश्न विचारला असता ते म्हणाले की, याला काळी जादू म्हणता येणार नाही पण सफेद जादू म्हणू शकता. जोशी पुढे म्हणाले की, ते आपल्या हातांनी उर्जा हस्तांतरित करतात आणि त्यांनी सुशांतसिंग राजपूत यांच्यावरही 90% उपचार केले. एवढंच नाही तर ते कधीही स्वत:ची जाहिरात करत नाहीत. लोक स्वतः त्यांना शोधत येतात. रियाने स्वत: त्यांना शोधलं आणि सुशांतवर उपचार करण्यास सांगितलं. मात्र सुशांत खरोखर नैराश्यात होता का असा प्रश्न जोशी यांना विचारला असता त्यांनी यावर कोणतीही प्रतिक्रिया दिली नाही.
from Marathi Bollywood News, Marathi Cinema News https://ift.tt/345kOid
