मुंबई:बॉलिवूडमधील प्रसिद्ध संगीतकार, गायक आणि अभिनेता हिमेश रेशमिया( )याचा आज वाढदिवस. त्याच्या गाण्यांसोबतचं त्याचं खासगी आयुष्य देखील सतत चर्चेत असतं.हिमेशनं त्याच्या पहिल्या पत्नीला घटस्फोट दिल्यानंतर चर्चेला उधाण आलं होतं. त्यानं २२ वर्षांचा जुना संसार मोडत पत्नी कोमलशी घटस्फोट घेतला .दोघांनीही एकमेकांच्या सहमतीने आणि सामंज्यस्याने हा निर्णय घेतल्याचं स्पष्ट केलं असलं तरी या घटस्फोटामागे एक वेगळंच कारण असल्याची चर्चा होती. घटस्फोटानंतर हिमेशनं सांगितलं होतं की, 'काही मुद्द्यांवर पत्नीशी एकमत होत नसल्यानं आम्ही एकत्र राहू शकत नव्हतो, म्हणूनच आम्ही दोघांनीही एकमेकांचा आदर आणि आमच्या नात्याचा सन्मान राखत परस्पर सामंज्यस्यानं घटस्फोटाचा निर्णय घेतला. या निर्णयाला कुटुंबीयांचीही सहमती होती, आमचा घटस्फोट झाला असला तरी कोमल नेहमीच माझ्या कुटुंबाचा एक भाग राहिल आणि मी तिच्या कुटुंबीयांचा!' हिमेशची पत्नी कोमलनेंही हिमेशच्या बोलण्याला दुजोरा दिला होता. वाचा: दोघांनीही घटस्फोटाबाबतची आपली भूमिका स्पष्ट केली असली तरी, टीव्ही कलाकार सोबत हिमेशचं संबंध हे घटस्फोटामागचं कारण होतं. मात्र घटस्फोटानंतरही कोमलनं हिमेशचीच बाजू घेत ही चर्चा खोटी असल्याचं सांगत सोनमला टार्गेट केलं जाऊ नये, असं म्हटलं होतं. आम्ही कुटुंबातील सर्व सदस्य सोनियावर घरातील एक सदस्य म्हणूनच प्रेम करतो असंही ती सांगितलं होतं. पण नंतर ही चर्चा खरी ठरली आणि हिमेश आणि सोनियानं लग्न केलं. पाहा हिमेशचं बर्थ डे सेलिब्रेशन: वाचा: २०१८मध्ये हिमेशनं त्याच्या मुंबईतील घरी प्रेयसी सोनिया कपूरसोबत लग्न केलं. हिमेश-सोनियाच्या लग्नाला त्याचे कुटुंबीय आणि जवळचे मित्र उपस्थित होते. विशेष म्हणजे या सोहळ्याला त्याचा मुलगा स्वयम हाही उपस्थित होता. 'सोनियासोबत नवीन प्रवासाला सुरूवात करताना खूप आनंद होत आहे. ती खूप प्रेमळ असून माझं तिच्यावर खूप प्रेम आहे,' असं हिमेशनं सांगितलं होतं. तर सोनियानंही आनंद व्यक्त केला होता. हिमेश माणूस म्हणून खूपच चांगला आहे. त्याच्यासोबत सुंदर आणि नवीन प्रवासाला सुरूवात करत आहे. तोच माझे संपूर्ण जग आहे, अशी भावना सोनियानं व्यक्त केली होती. सोनिया लग्नानंतर इंडस्ट्रीपासून दूर राहिली आहे. तिला कुटुंबाकडे लक्ष द्यायचे आहे, असं तिनं सांगितंल आहे.
from Marathi Bollywood News, Marathi Cinema News https://ift.tt/2WLhVyQ
