मुंबई- सुशांतसिंह राजपूतच्या निधनानंतर त्याचं कुटुंब आता न्यायासाठी लढा देत आहेत. बुधवारी सर्वोच्च न्यायालयाने या प्रकरणाची चौकशी सीबीआय करेल असा निर्णय दिला. तसेच अभिनेत्री रिया चक्रवर्तीने दाखल केलेला अर्ज फेटाळून लावला. सीबीआयच्या तपासाला मंजुरी मिळाल्यावर सुशांतसिंहच्या वडिलांनी यांनी मोठा निर्णय घेतला आहे. सुप्रीम कोर्टाच्या निर्णयानंतर केके सिंह यांनी एक स्टेटमेन्ट जारी केलं. यात त्यांनी स्वत: ला सुशांतसिंह राजपूतचा कायदेशीर वारस म्हणून स्वतःचं नाव दिलं आहे. दिवंगत अभिनेत्याच्या वडिलांनी आपल्या स्टेटमेन्टमध्ये म्हटलं की, 'सुशांतसिंह राजपूतने ज्या वकील, सीए आणि इतर कर्मचाऱ्यांना ठेवले होते आणि अन्य लोकंही जे त्याच्यासाठी काम करत होते ते आता सर्व संपलं आहे. आता त्यांना सुशांतबद्दल सांगण्याचा किंवा बोलण्याचा कोणताही अधिकार नाही.' सुशांतचे वडील पुढे म्हणाले की, 'जर सुशांतसंदर्भात कोणाला काही बोलायचे असेल तर त्यांना आधी माझी परवानगी घ्यावी लागेल. सुशांतच्या कुटुंबात आता मी आणि त्याच्या बहिणींचा समावेश आहे. मीडियामध्ये कही वकिलांनी ते सुशांतसाठी काम करायचे असं सांगितलं. तसंच त्यांनी सुशांतसोबत झालेल्या संभाषणाबद्दल सांगितलं. पण बार काउन्सिल ऑफ इंडिया आणि भारतीय पुरावा कायद्याच्या नियमांनुसार हे करता येणार नाही. केके सिंह म्हणाले, 'मी हेसुद्धा स्पष्ट करतो की सुशांतच्या कुटुंबात फक्त मी आणि त्याच्या बहिणींचाच समावेश आहे. वरुणसिंह यांना आम्ही आमचा वकील म्हणून नेमले होते आणि त्यांच्यामार्फत ज्येष्ठ वकील विकास सिंह आमच्या कुटुंबाचे प्रतिनिधित्व करतील. जर दुसरं कोणी कुटुंबाचा सदस्य असल्याचा दावा करत असेल तर मी त्याची परवानगी देत नाही.' १४ जून रोजी मुंबईतील राहत्या घरी सुशांतसिंह राजपूतचा मृतदेह सापडला. गेल्या महिन्यात त्याच्या वडिलांनी अभिनेत्री रिया चक्रवर्तीविरूद्ध पाटण्यात गुन्हा दाखल केला होता. तसेच सीबीआय चौकशीची मागणी केली. रिया चक्रवर्तीने तिच्या विरोधात दाखल केलेल्या खटल्याविरोधात सर्वोच्च न्यायालयात याचिका दाखल केली होती. मात्र ही याचिका न्यायालयाकडून फेटाळण्यात आली. त्याचबरोबर न्यायालयाने या प्रकरणाचा तपासही सीबीआयकडे सोपविण्यात आला आहे.
from Marathi Bollywood News, Marathi Cinema News https://ift.tt/31bvSbL
